تاريخ الاضافة
الخميس، 13 ديسمبر 2007 12:35:38 م بواسطة المشرف العام
0 503
اكحل عينها
ياقلم ما فاضت اشواقك ولاهاضـت شجونـك
خذ من اوراق القصيـد الطارفـه لا تحتريهـا
امتلا قلبـك غـرام وناحـت الفرقـا عيونـك
واعذاب الصفحه البيضا الى مـا دجـت فيهـا
سج راسك مع صحاصيح الورق وازعج لحونك
خابرك ما تقصر الشرهـات دون اللـي تبيهـا
يانحيل العود ياعـزي لحالـك مـن شطونـك
سيرتك في دفتـر الاشعـار مانـي منتسيهـا
لك مواريدٍ اليا من جف صـدرك مـا تخونـك
لا سريت تزخـرف الافكـار ياعينـي عليهـا
ان تخاوينا على بيض الـورق كفـي زبونـك
ذيك نلقاها على الحـروه والاخـرى نقتفيهـا
لا طعنت الشـارده والـوارده مكـن طعونـك
لين يشرب مـن معانيـك العليـل ويرتويهـا
عش على وجه الورق وافي ولون الصدق لونك
والسطور اللـي تـوردك الملامـه لا تجيهـا
روض العاقل على حرفك وهو يقـرا جنونـك
والمحابـر وان تلـوث حبرهـا لا تشتهيـهـا
خل هقوات الصدور الممحـلات تطيـح دونـك
شف عروس الشعر واكحل عينها وانقش يديها
إسم الشاعرالبلدإسم القسمالمشاهدات
ضيدان المريخيالسعودية☆ شعراء العامية في العصر الحديث503