تاريخ الاضافة
السبت، 15 ديسمبر 2007 12:29:15 ص بواسطة المشرف العام
0 749
ياللي زعلت
أشرب كدر ماي البحر كانه أرضـاك
ياللي زعلت إزعل ولاني مراضيـك
بأعـز نفـسـي عـنـك مــدراك
لا تحسب أني عقب صـدك بداريـك
راضي بتعذيبك لأجـل قلـبٍ غـلاك
أربع سنين وأنـا متحـم ل تغليـك
وأدوس قلبـي لينـه يقـول خـلاك
وخليتنـي والـيـوم والله لأخلـيـك
ليمن يقـال فـلان هانـك و ورآك
قبـل تورينـي الحسايـر بأوريـك
وأنسى الغرام اللي مضـى وأتحـداك
كانك تحدانـي فأنـا أقبـل تحديـك
الله يحرمك كـل مـا كـان هنّـاك
ماني بقايل لـك عسـى الله يهنيـك
فوق الغرور اللي عن الماضي أعماك
عسى العمى ياخين العهـد يعميـك
حيثك تجاهل صوت محـروم نـاداك
وعساك ما تسمـع قريـب يناديـك
لينك تنـدم ليـه غيـرت ممشـاك
وعسى الشلل يعوق رجـلٍ تمشيـك
يلقى بها الفرصة عـدوك ويشنـاك
وعسى حياتك بس فرحـة لشانيـك
يصبح عليها الصبح ويموت طريـاك
وعسى الليالي اللي تجيني بطاريـك
آميـن حتـى اللـي تمنـاه يجفـاك
وعسى المنام وكل راحـة تجافيـك
وأمك تشق الجيب من عظـم بلـواك
وعساك ما تفـرح وتكثـر بلاويك
نار الجحيم ونار دنيـاك تصـلاك
وإلى مت جعلك في جهنـم تصاليـك
غشاش خاين من من الناس دانـاك
الله يكـره فيـك حـتـى دوانـيـك
أمسك ويومك عنهـم الغـد يجـزاك
هـذه النهايـة روح والله يجازيـك
إسم الشاعرالبلدإسم القسمالمشاهدات
طلال السعيدالكويت☆ شعراء العامية في العصر الحديث749