تاريخ الاضافة
الأربعاء، 19 ديسمبر 2007 10:21:38 م بواسطة المشرف العام
0 1118
اسمعينى لو دقيقه
اسمعينى لو دقيقه
اسمعينى
لو دقيقه
وافتحى قلبك ثوانى
ضفرى اسمك باسمى
ترجمى حروفهم
معانى
وارسمينى
فوق جبين الفجربسمه
تمسح الليل اللى مادد جسر
بينى وبين كيانى
اغرسينى بين شرايينك
اطارد فيهم الحس اللى نايم
وابقى ليهم
حس تانى
..
طول ما دمع الخوف
ملازم نبض قلبك
يبقى قلبك
حسه مات
اطردى الخوف من عروقك
اسمعينى
اصرخى بكل اللغات
قولى ان الحب قادر
يحيى فينا
حس مات
والدموع اللى فى عيونك
شاهده ع الماضى اللى مات
واسمعينى
....
مهما غبت ياعيونى
عن عيونى
ولا توهتى الطريق
بكره قلبك
قصدى قلبى
غصب عنك
راح يقرب م الطريق
مهما كان بيننا حواجز
أو سواتر
أو حدود
مهما كان الموج معاند
والشطوط مالهاش وجود
- بس كلمه -
قادره تمحى
كل أخطاء الوجود
بحبك
اسمعينى
...
فتشى بينك وبينك
عن حكايات الطفوله
الستاير لونها اسود
والمرايا لونهااسود
وانت بينهم
لونك الطاهر ... مضلم
كل ما بالمح عينيك
المح الحب اللى مات
كل ما بالمس ايديك
بتنادينى الذكريات
- قالوا قلبى ارتاح لغيرك ؟ -
صدقيهم - مش مهم -
فين تروحى من ضميرك ؟
إن بعض الظن إثم
اسمعينى
....
...
إسم الشاعرإسم الكاتبالبلدإسم القسمالمشاهدات
عصام رجب حسينعصام رجب حسينمصر☆ دواوين الأعضاء .. عامِّي1118
لاتوجد تعليقات