تاريخ الاضافة
الأربعاء، 26 ديسمبر 2007 09:48:01 ص بواسطة المشرف العام
0 573
وجهة نظر
..وجهة نظر..
صورتك صبية فى القلوب
والبدن اصبح يادوب
أد طول نهر الاصيل
والقامة اطول م الفنار
أو م الهرم أو م الكنال
وإيديكى مجدافك وفاس
تبدر الحب فى قلوبنا
تطرح الحكمة بمداس
تمشى تسبق فوق خطاوى الجهل
وتعدى الكابوس
لجل ماتكحل عيونها
ماضى متطرز طويل
وخيوطه مشتقبل وحاضر
بيشق قلب المستحيل
وكتير بتعلا ضحكتك
من جوف مايعرف الا طعم الانتصار
ونهار ماتعرف له بديل
او بالكتير
فجر وماتعرف له غيوم
او حتى ليها فى الهموم وجهة نظر
من بعد مااتزرع الزتون
حالف لا يمكن يتقلع
لو حتى مية نوة تصفر فى الخلا
او حتى كل السوس
متروس ينخور فى الجدار
لازم يموت
لانه نخور فى التابوت
اللى فى وسط المقبرة
ولحد اخر الكون
هنكون نتاج المسئلة
رافعين رايات مجدنا
وسيوفنا مسنونة
ومفطومة قلوبنا الخضرة
على صدر ست الكل
والكل مهما علىِ
مايعدى لراياتك
وزفير بليد الفتن
مايهز فى شراعك
وباعك اللى اتنصب
فرعون واسلامى
موصول بصوت الصدى
يتردلك تانى
ملضومة فيه غنوتك
حدوتة مصرية
مصلوبة فيه المحن
من خير جند عليه
وبعد قول ربنا
اقدر اقول انا ايه