تاريخ الاضافة
الأربعاء، 26 ديسمبر 2007 09:51:03 ص بواسطة المشرف العام
0 500
العرق الزايف
..العرق الزايف..
بسلخ جلد العرق الزايف
وسط جبين متغرق شوك
واقطع كل سكوتى الشايب
واصرخ فيه
لما احتاج من تانى افوق
واما بحاول اروح للضلمة
بخلق شكل لنفسى فى نفسى
يكون مألوف
علشان شكل ملامحى الفاتحة
بهتت بين افكارى الغامضة
وخبت وسط فراغها النور
سدت طاقة حس العامية
وردت فيه الضلمة السارحة
بلون حواليه ماهوش معروف
علشان تانى تضيق الدايرة
ويفضل ليه حدود شباك
بيطل فراغ
لجل التوهه تزيد فى ملامحى
وشكلى يكون محذوف فى وجودى
إلا براح بين ضعفى الخايف
وأما ساعات بشتاق لملامحى
بسلخ جلد العرق الزايف..