لَبست من الصبر ثوبه عساه يخفف مصابي | |
|
| ولا كفى الصبر وامست تِعَذب نفسي الحيره |
|
عَجزت آغير اشعورٍ تربى يعشقه مابي!! | |
|
| له الخَفاق له وحده بعمره ما نِشد غيره |
|
ولا للذِكر من داعي وانتَ كود أدرى بي | |
|
| و تَدري ذا الحشا حَقك مِن أول لآخر السيره |
|
عسى توصلني اخبارك واللاقي طارق أبوابي | |
|
| يقول ان الوعد اصبح حقيقة يا عسى خيره |
|
ابي توصل لك اعلومي تِحمل شِدة اعتابي | |
|
| ترى من عاتبك اجزم يحبك والوله ديره |
|
احبك والهوى يذوي الى من باتت اهدابي | |
|
| اسيرة حزنها حَره تعاني من مشاويره |
|
دموعٍ آثَرت تِرضخ وحَق الدمع يِشقى بي | |
|
| و انا الي جِبته ال نفسي رميت اقليبي اف بيره |
|
وهذا اللي جنا حظي وحظي لونه إترابي | |
|
| كسيرٍ معتمٍ ماله من الفرحه سوى اقطيره |
|
انا والليل والهاجس ومن بالهم اودى بي | |
|
| شربنا من العنا مَره بدينا في الهوى إمسيره |
|
حسبت احسابي للدنيا ولكن مِخطي احسابي | |
|
| غَفا قلبي عن الغلطه يِظن ان غلطتي اصغيره |
|
وما عاد الصبر ينفع طويت ابليلتي اكتابي | |
|
| تركني اندب احظوظي تركني عِرضة الغيره |
|
تغلب همي بعيني مَواطِن عشق ارهابي | |
|
| نقضت اعهودنا الاولى نسيت اعمارنا اقصيره |
|
نفضت الشوق عن كلي شهرت اف صورته نابي | |
|
| نسيت اللي يحب يعذر محال افكاره اتثيره |
|
بعد ما فاتت اسنيني اكابر ازمة اعصابي | |
|
| لفاني من نِسف روحي حمل لي منه اسويره |
|
منع فيَ الرجاوي اللي تربت عِند اعتابي | |
|
| تركني بين هاجوسي وحسراتٍ لي اكثيره |
|
ِيقلي كان يتمنى يجي لي يشم اطيابي | |
|
| حبيبي فارق الدنيا ولكن ما نسى امنيره!! |
|