|
سلام الله على ماجد حمد بن زيد آل قريش | |
|
| سلامٍ لك ياخو خضرا الى مابان شوباشه |
|
سلامٍ حر ياصل حر يقطع نقطة التفتيش | |
|
| ترى فزّ القصيد وقام ينفض من تبلاّشه |
|
|
بعد رد السلام اهلين بمهند حفيد عشيش | |
|
| سلامٍ يحمله خطٍ على التوقيت بانعاشه |
|
على فزّة قصيدك فز طيري كافخٍ بالريش | |
|
| نداوي حرٍ اسخرته يحوز الجزل قد حاشه |
|
|
ذبحني البارحة كابوس ذبحة مسلمٍ بشويش | |
|
| وقع في يد جيشٍ مايخاف الله بالباشه |
|
صحيت وقلت اسندها على اللي ماسألني بيش | |
|
| أحاسيسي وأحاسيسه عليهم دوم جيّاشه |
|
|
كوابيسك كوابيسي تجيني يالشريف تعيش | |
|
| على قلبي تغمغم به كلت من ماجدٍ جاشه |
|
وحق الله نموت نموت ولا نحيا كما الخفّيش | |
|
| يلذ الموت لاصارت تفرْس الليث ادباشه |
|
|
طرالي ماطرالي من هواجيس الفكر والطيش | |
|
| وشفت الحر مايحتر والعورات منداشه |
|
شعوب العالم الثالث عليها يكثر التحويش | |
|
| وذاك البوش متوارث عروبتنا برشاشه |
|
|
لك الله شفت لي شيٍ خطير وجابلي تشويش | |
|
| بواقعنا أشوف اللي يجن العقل لاناشه |
|
أشوف الجيش ماهو جيش والأمّه لها ترعيش | |
|
| واشوف علوج بن يافث على الاعراب نهاشه |
|
|
كرامتنا فعل ماضي ابد مافيش ابد مافيش | |
|
| على حملة بني صهيون والتطبيع معتاشه |
|
دوَلْ واجيوش فتّاكه وقايدها غبي درويش | |
|
| وصرنا بين ذيك وذيك نتْبعهم على الشاشه |
|
|
والى من سيّدٍ قد قام منّا مل ذليل العيش | |
|
| حمل روحه على كتفه تلولح جانب كلاشه |
|
عليه العُرب تضرب ضرب ويش المهزله حتيش | |
|
| وسط فلوجه ارهابي عليه القوم جرّاشه |
|
|
تظللنا وعشنا بين خط النار والتطنيش | |
|
| وهنيّال البليد اللي ينام اليوم بفراشه |
|
بلانا من بني يعرب ودهن السير والتفريش | |
|
| وطاحت من بيارقنا وقرمٍ ضيّعه لاشه |
|
|
قلوب القوم لو تطفي يجي وقتٍ تطق الفيش | |
|
| ولكن راسنا يامن ينفّض عنه خشخاشه |
|
بيارقنا قبل عام اتبدلت بالخيش | |
|
| ترفرف لاطرقها من هبوب الغرب نعناشه |
|
|
هزايمنا وخيمه في زمان الذل والبخشيش | |
|
| يسوط ابنا ويلوط الغرب والرايات طوّاشه |
|
وحنّا ماش قومٍ ماش ما نسأل لما أو ليش | |
|
| وعلى قولة اهل جده ترى بالناس بكّاشه |
|
|
حثالات الامم فينا لها انياب ولها تنهيش | |
|
| ضباع العالم الغربي على الشرقيّ عرّاشه |
|
كبار القوم لاصكت علينا تتقن التهويش | |
|
| خوش الهوش وسط الحوش وبرى الدار رمّاشه |
|
|
سياسة ضيم مع تنكيل مع ترويض مع تطفيش | |
|
| ومجلس امن دولي فيه كل القوم غشاشه |
|
من امريكا الى لندن عشش كرهنا تعشيش | |
|
| علينا ضيمهم كنّه على الأجساد دشداشه |
|
|
قضاياهم تمرر انف ووضع عريب مايمشيش | |
|
| من الستين وفْلسطين تحت الضيم بلاّشه |
|
وبغداد العرب تحت المدافع والقصف رعشيش | |
|
| نجادي يذبح السني وبوشن يالغ بطاشه |
|
|
مخضّب كفّهم بالدم واصبح كنّه التنقيش | |
|
| وحنا امّةٍ كفواً على ابن العم هوّاشه |
|
أشوف المسلم ودمّه خساره مايساوي قريش | |
|
| وعزّي للرجل لامن قضى عمره على ماشه |
|
|
تصدر بالامم كل علج كل هترن وكل اكديش | |
|
| وبني يعرب تحت خط المذله دوم عيّاشه |
|
صبرنا ياعرب والصبر فينا قام له تطويش | |
|
| نبي حلنسريعن أمة الاسلام دواشه |
|
|
على ذاك الرجا حنا نرد الصاع والتهميش | |
|
| باذن ربي يروح اللي لعب في طاش ماطاشه |
|
نبي نلعب على الشطرنج حتى لو تبيها شيش | |
|
| وفي بالناس حارس ليل وفي بالناس فتاشه |
|
|
ترى الحرّاس يالشيّب الكمالي فعلهم تهقيش | |
|
| ولا صارت على شطّ المنايا جتْك منحاشه |
|
مدام ان الخوالد ربعنا وحنّا عيال قريش | |
|
| نعيش أحرار نفنا أحرار والأيام شواشه |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
