تاريخ الاضافة
الخميس، 10 يناير 2008 04:23:19 ص بواسطة محمد بن صالح الجارالله
0 593
** كل مـ اسبح **
جيت أنا ازرع من رذاذ الغيم لـ سراب الحمام
جيت أنا اقطف من بياض القلب ورد لبهجته
يا هلا بك وبوجودك قلبي لك أرض وسلام
ذي زهورك أنعشت قلبٍِ يضج بحيرته
إن زرعني مع لذيذ الحلم أرقني المنام
وإن طراني ينهزم قلبي مع أول رعشته
يا ثواني أنعشت تاريخ حبي والهيام
يا دقايق تشرح لدربي سبايب عثرته
السهر أرق عيوني والعتب زاد الخصام
دفتر سنيني سراب ٍ غاب لحظة حزته
كل مـ اسبح بين رمشك والنظر غار الغرام
من مكاني في عيونك خايف اطفي شمعته
ذي حروفي ذي شجوني تختصر كل الكلام
ذي بداياتي وجهلي بان فيها حرته
ليه أعاند هـ القلوب الـِّي عطت قلبي وسام
يـوم قالـت لامسينـي ذي بداية قصتـه
من بيوصف لك هواي اللي يغرد باحترام
يوم أنا كلي تركت الليل يبكي ظلمته
اعترفلك يا دفا قلبي ترى طاب المقام
من وجودي في حياتك وانت ِالـِّي ثبته
لو رواياتي حكايا ليه أبحكي بانهزام
عن غياهب حبنا اللي كان شوفك فرحته
إن حدث في زحمة الخاطر ولو بعض ازدحام
انثري أجمل قصيدي واشهد انك لذته
إسم الشاعرإسم الكاتبالبلدإسم القسمالمشاهدات
محمد بن صالح الجاراللهمحمد بن صالح الجاراللهالسعودية☆ دواوين الأعضاء .. عامِّي593
لاتوجد تعليقات