عناوين ونصوص القصائد   أسماء الشعراء 
الشعراء الأعضاء .. عامِّي > مصر > صالح الغازي > آخر المطاف

مصر

مشاهدة
636

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

آخر المطاف

وبنطلع السلم اللى ظبطه على الخرم الكبير اللى ف السقف
مع كل درجه بطالبك تنسى نفسك
وعشان تحترمنى وما تملش منى هفلسف كل طلباتى
فى منطقه وسط بين أفكارك وأفكارى .....
سيبك م الخداع ده
إحنا لازم نعرف اللى فيها
تعالى ننزل ونجرب حاجة تانية
بس لازم نكون إتعلمنا حاجة
الكاسيت فيه الشريط اللى سجلت عليه صوتى وأنا بأخبط
سنانى على بعض وبأضرب كف على كف .
إحفر معايا
والا أقولك أنا هحفر وأنت تشيل الرمل ف الشوال ده
وتطلع السلم تفرغه م الخرم
ياالله عايزين همه
ده البالطو فوق ضهر الكرسى كتفه متمزق من شدك بعد كل خلاف بينا
غنى معايا
لأغنى وإحنا بنشتغل
* البراد مالهوش مقبض
..كل ما أسخن شاى يلسعنى *
* ف بيتنا هيصه
وأنا مش عارف أقرا *
قول ما تسكتش
* البراد مالهوش مقبض
..كل ما أسخن شاى يلسعنى *
* ف بيتنا هيصه
وأنا مش عارف أقرا *
آدينا بنشتغل وبنغنى يعنى فيه ترفيه
* الصبح باغسل وشى بمايه
بتمر ف مواسير مصديه *
مالك .. رايح جاى .. رايح جاى
خيلتنى!
حتى أغنياتى بترددهابآلية
أنا تعبت معاك
ما حدش يلومنى بعد كده .
صالح الغازي
بواسطة
المشرف العام
الإضافة: السبت 2008/01/19 05:07:53 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com