تاريخ الاضافة
الإثنين، 21 يناير 2008 05:35:49 م بواسطة المشرف العام
0 610
رباعيات الحلم
ليلاتى أحلم الاقيكى
تحطى القلب فى عنيكى
يا ساكنه القلب اتاريكى
نسيتى إنك لقلبى فنار
حلمت بشمعه وبحنة
تطيرى بروحى للجنة
يدوب شوقنا كده بينا
ألاقى القلب بيكى عمار
حلمت أكون أنا وأنتي
شراعك وانتى مركبتى
ما نرسى فى بر يا أمرتى
ندوب نسكر فى كل بحار
حلمت تحسى بألامى
يا عايشة فى كل احلامى
بروحك أعدى أيامى
واكون بسلم تكونى خضار
حلمت بشوقي أكون نسمه
في وقت الشدة أكون بسمه
وايد فوق في السما راسمه
نجوم دايره في كل مدار
حلمت أسهر ليلاليكي
بكاس الحب أسقيكي
تاخدني نشوتي بيكي
أتوه واشرب ما الاقي نهار
حلمت أحلم وأتهنا
ورود تكبر في بستانا
صباح يطلع لأحلامنا
ونسقى بحبنا الأنهار
حلمت أكون أنا ضلك
تتوه الروح أكون خلك
تلاقي القلب يفرشلك
في روحه بريش من الأطيار
حلمت أكون أنا الفارس
في حلم ليلاتي متوالس
وفي قلبك أكون دارس
خبايا حروفي والأسرار
حلمت أعيشك أتحمل
دلالك وأنتي من الأول
بروحك فيا تتجول
وشهدك بيمحي كل مرار
حلمت أطير علي غصنك
وأغزل عشي فوق حجرك
ولما يبان شعاع فجرك
أروح أقطف لك الأزهار
حلمت معاكي أكون درويش
في ساحة مجذوبينك أعيش
تطير روحي وأنا مداريش
وفي رحابك أقول أذكار
حلمت معاكي يا حلوه
كلام في القلب صار غنوه
نعيش أنا وانتي في خلوه
بروحي أحميكي م الغدار
حلمت أكون أنا الربان
وفي بحورك أكون حيران
وتنسي مركبي الشطآن
وأعيش مستحمل الاقدار
حلمت أنام كده في أمان
لا أخاف من بوم ولا غربان
وها أملا بنورك الأزمان
بحبي تكونى م الأحرار
حلمت كتير أنا وكتير
يكون القلب ليكي أسير
وروحك في سمايا تطير
وحلقي يها جر الصبار
حلمت اني أكون حلمك
تناجي في طيفي من قلبك
أكون زى النسيم جانبك
تلاعب روحك الأشعار
حلمت أطير في كل صباح
وفي عيونك أنام وارتاح
ويشفيني نسيم فواح
وأعشق جنتك لو نار
حلمت بحبك أتعايق
و ويا رضاكي أكون رايق
وأكون في هواكي أنا فايق
ويصبح قلبي م الشطار
حلمت كتير وأنا صاحى
في عشك تكتر أفراحى
بكلمة تداوي في جراحى
وقلبي تخضّره الأمطار
حلمتك ساكنه في جوارحى
وفي الأحزان تكونى فرحى
ومن نبعك يفيض طرحى
وزغلل طيفك الأنوار
حلمت أعشق تراب أرضك
بلمسة شوق يطيب مرضك
وأحلف لك أصون عرضك
وفي حماكى أكون جبار
حلمت أكون علي بابك
وروحي تاخدني لرحابك
بكلمة بنظرة لاحبابك
يكون قلبي أنا المختار
حلمتك ليلي ونهارى
يا عايشه جوه أفكارى
وشمسك تملا في ديارى
تطول في سحاتك الأعمار
حلمت باني محبوبك
يبل في روحي سرسوبك
وشوقي خطاوى في دروبك
و روحك شقه كل مسار
حلمت تكوني فى العالى
وطيفك يملا فى خيالى
ومين غيرك على بالى
يا غالية دا أنتى م الشطار
حلمت بشهدى أرويكى
وأخضر فى براريكى
نخيل يسكن أراضيكى
وتاكل روحك الحجار
حلمتك تطرحي مولود
يحول دمنا لاسود
ياخدنا في يوم نعدي سدود
وينزع من جتتنا العار
حلمت تكوني في عنيه
بحبك تنسجي ضيه
تنور فرحة منسيه
وتاهت منا ف الابيار
حلمتك دم شراينى
ينور فكرى يهدينى
يكون سجادة لجبينى
ياخدنى نكمل المشوار
إسم الشاعرإسم الكاتبالبلدإسم القسمالمشاهدات
أشرف عزمىأشرف عزمىمصر☆ دواوين الأعضاء .. عامِّي610
لاتوجد تعليقات