تاريخ الاضافة
الأحد، 12 يونيو 2005 08:04:55 م
0 830
أوهام
ما ني من اللي يقضي العمر باوْهام
ولا ني من اللي يتبعون السرابي
ولا أتـبع المقفي ولو عمري حْطَام
أدوس قلبي لو شـــقيت بغــيابي
لي عـــزةٍ واشيلها بصــدري وسام
واصبر على جور الزمن والعــذابي
يكفي أمـــاني مالـــها حد واحــلام
ما ارضــي بها لو راح فيها شبابي
أنا بشر لي قلب واحساس والْهام
لكن في الحزَّاتْ أعـــــــرف صوابي
ملّـــيت من صــــبري وباكــر وقدَّام
يا رب صــــبِّرني وخـــفف مصابي
بين الرجــا والــياس ســاهر ولا انام
تَعَـــبتْ اردد صرخــتي في عتابي
خــلاص انا ملَـــيت من تبع لَوهَـــام
ولا أتبع اللي في حـياتي سرابي
إسم الشاعرالبلدإسم القسمالمشاهدات
مطلع الشمسالإمارات☆ شعراء العامية في العصر الحديث830