تاريخ الاضافة
الثلاثاء، 15 نوفمبر 2005 09:56:38 ص بواسطة جاسم الحجري
0 1077
(هذا الزمن) في غلاء المهور
ضـــاع الـفـكـر واتـبــدل الـحــال تـبـديــل
ولا عـــاش مـــن أقـبــل زمــانــه يــــرده
كـنـي عـلـى بغـلـن عـقـب صـفـوة الخـيـل
طـبـع الـزمـن يـرخـى .. ومـراتـن فـشــده
يــوم شـفــت الـلــي غـــدا طـايــح عـلـيـل
مــن غــلا مـهــر الحـبـيـب الـلــي يـــوده
قـتـلـه عـلامــك شـايــل الــهــم بـالـكـيـل؟
لا نـلـت مـربـوحـك ولا عـزمــك يـصــده
كلـمـنـي والـدمــع عــلــى خــــده يـسـيــل
والـتـعــب بــيّــن عــلــى حــالــه وهــــده
قـــال هـلـهـا مـــا بـغـونـي ألــهــا خــلــيل
شـيـبـوا راســـي عـجــب ذيـــك الـمـكــده
مـــا طـابـلـي عجـبـهـا صــبــح ومـجـيــل
ودي أخــذهـــا ونـحــيــا فـــــي مــــــوده
***
يـــات أمـهــا تـشــرط عـلــيّ المستـحـيـل
وتـقـول هــات وهـــات جـيـبـك لا تـســده
ابـغـي لبـنـتـي فـلــه مـاشــي لـهــا مـثـيـل
وسـيـارتـن عـدادهــا مــــا ســــار بــعــده
وأبغـى لهـا كوشـه عسـى عـمـرك طـويـل
وانـتـه تـعـرف هالـبـنـت عـنــدي لـوحــده
مـابــا يـقـولـوا الـنــاس شـامـاهـم بـخـيــل
أمــــا مـهـرهــا هـــــذا أبــوهـــا يــحـــده
***
قـــال الشـمـايـه حـمـلـهـا حـمـلــن ثـقـيــل
كـم عنـدك؟ وكـم يايـب؟ وكـم الـلـي تــرده
الشمـايـه يــا ولـــد مـــب حـــيالله دخـيــل
ومـهـر الـبـنـت يـــوب هـــل داري بـعــده
عد الألف فوج الألف سبعـه اكملـن تكميـل
هذا المهر لـي نطلبـه ولبنتنـا نبغـي ونـوده
ابحروبي بحر طامي وضاع عقلي والدليل
الام ما ترضى بقليـل والأبـو ماشـي يسـده
وين أولي للبنك؟ ولا استوي قاطـع سبيـل؟
لين أوفي هالشـروط والقلـب يهنـى بسعـده
***
قلتله يـا خـوي أّصبـر بالصبـر تلقـى بديـل
صد قلبك عـن حبيبـك كـان تقـدر لـه وردّه
يوم الأهل ما قدروا انوي عن دارك رحيل
ويـوب رجلـك .. امغـطـه ألحـافـك ومــده
هـذا الشقـاء يـا نـاس صرحـن بـه التمثـيـل
والسموحـه يـا عـرب باللـي قـولـي يـحـده
مــن زود ونـاتــي اهـــذي بـقـولـن نـكـيـل
ياليتنـي شاعـر.. وافضـي مالشعـر واعّـده
إسم الشاعرإسم الكاتبالبلدإسم القسمالمشاهدات
جاسم الحجريجاسم الحجريعمان☆ دواوين الأعضاء .. عامِّي1077
لاتوجد تعليقات