تاريخ الاضافةتاريخ التعديل
الإثنين، 12 أكتوبر 2009 03:32:42 م بواسطة المشرف العامالإثنين، 12 أكتوبر 2009 06:45:42 م
0 575
تغاريد القصيدة
كنت فاكرك لي حبيبة
ذى تغاريد القصيدة
بس صحِى الأيام عجيبة
فرقتنا بعد ريدة
وبعد ألفة روح غريبة
وأمسيات نادية ورفيدة
وين ووين أحلام سعيدة
كنت بحلف بى حياتك
والليالى الحلوة رايعة
جيت لقيتك إنت ذاتك
لى ليالى الريدة بايعة
وينها أعذب وينها أغلى أمنياتك
بين مسارب ريحنا ضايعة
ومهما كان غالية ووحيدة
كنت بلقى معلك سعادتى
وبلقى فى عيونك أمانى
وامنياتك راقصة تحضن أمنياتى
لو تعاود تانى تانى
لو تعيد ريدنا وصلاتى
أحيى بيك أجمل أغانى
والمعانى تكون جديدة
الليالى بقت عذابى
أراجع أوراقى القديمة
أنعى لى شجنى , اغترابى
فكرى شارد ليك ديمة
كل شي كان فى حسابى
ما عدا الفرقة الأليمة
تسرق الدنيا السعيدة
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي575
لاتوجد تعليقات