تاريخ الاضافةتاريخ التعديل
الإثنين، 12 أكتوبر 2009 03:40:54 م بواسطة المشرف العامالإثنين، 12 أكتوبر 2009 06:54:01 م
0 550
غزل
يا أجمل صورة دنيا
عشقت الدنيا عشانو
وصحيح إنك مجافينا
ونسيت ريدنا وأزمانو
ونسيت قلبا فى ريدك
أهداك أجمل أوزانو
****
إن تقسا علينا نحبك
ونقول آسرنا حنانو
وبخادع نفسى وحاتك
خايفين من قولة خانو
خايفين تقطع لصلاتنا
نجتر من كان وكانو
****
ومين عارف الدنيا تغيّر
فى يوم فكرو وأشجانو
ويعود ويصالح ريدا
يلقاه فى نفس مكانو
ياليت الدنيا تطفّى
بعد الهجران بركانو
****
يا أجمل ريد فى قلوبنا
ما اختل فى يوم ميزانو
ما هو لإخلاص ومعزة
والشوق كترت ألوانو
ارحم قلــــــبا ما اتغيّر
وتعـــال بـدد أحـزانو
****
بعشق فى شخصك والله
قسـوة ورقــــة وإنسانو
وعيون تركت أفكارى
تسرح فى عميق وجدانو
تتخــــيل إنك قـــاسى
وتتخــيل برضو حـــنانو
****
ذكراك أجمل ما فينا
شعرى ومعانيه وأوزانو
إن تبعد برضك غالى
وعزيز فى قلب الصانو
تعال وتعال لو مرة
نعـــــيد الحـب واركانو
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي550
لاتوجد تعليقات