تاريخ الاضافةتاريخ التعديل
الإثنين، 12 أكتوبر 2009 03:43:08 م بواسطة المشرف العامالإثنين، 12 أكتوبر 2009 06:55:50 م
0 601
غربة دنيا
كل أول ليه آخر
إلا حبك يا حبيبى
لي ناهى ولي آمر
أعمل إيه أنا فى نصيبى
دنيا ظالمة ودنيا جايرة
فرقتنا بعد ألفة
وين وجوه فى صباحنا نايرة
تبقى لى اشجلنا مرفا
ووين صدور كانت أمينة
ووين قلوب تعطف علينا
ووين عيون تنظر إلينا
فى كل ثانية تقول حبيبى
بعدك الأيام بتمضى
شوفا كيف باهتة ورتيبة
كيف طويل الليل بقضى
فيه ساعاتى الرهيبة
يا حبيبى حياتى صعبة
حولى كل الدنيا غربة
صدر شوق ولهيب محبة
آه لو تعرف حبيبى
سافرت أيام لقانا
سافرت ما ليها رجعة
سافرت تركت أسانا
وفى القلوب أشواق ولوعة
آه لو تجمعنا تانى
دنيا تعصف بى كيانى
ألقى بيك أجمل أمانى
وأحيا فى ودك حبيبى
لو تفكر يوم تعاود
تلقى زهر الريدة فرهد
والقلم يكتب قصايد
والكنار فوق بيتنا غرد
ننسى فى لحظة ودقايق
كل أحزانا السوابق
والقمر بيعود يسابق
يضوى ليلى يا حبيبى
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي601
لاتوجد تعليقات