تاريخ الاضافة
الإثنين، 28 نوفمبر 2005 03:03:54 م بواسطة حسن إبراهيم حسن الأفندي
0 2174
ياوطنى
ياوطنى
من الشعر الشعبى السودانى
والله يمين يا وطنى
ما منك شين يا وطنى
ولا ذيك زين يا وطنى
فى قلبى دفين يا وطنى
و فى عقلى مكين يا وطنى
بطراك سنين يا وطنى
لى يوم الدين ياوطنى
خليــــك قريب يا وطنى
ما إنت حبيب يا وطنى
لجروحى طبيب يا وطنى
آمال ما تخيب يا وطنى
ليه أبقى غريب يا وطنى
ما دمت ربيب يا وطنى
و فى جوفى حليب يا وطنى
الله الله يــــا وطنى
من حـــرقة آه يا وطنى
محبوبك تـــاه يا وطنى
فاقـــد لهناه يا وطنى
ما إنت رضاه يا وطنى
فخـــره و علاه يا وطنى
صبحه و مساه يا وطنى
مشتاق مشتاق يـــا وطنى
زادت أشـــواق يا وطنى
يكفينا فـــراق يا وطنى
ملء الأحـــداق يا وطنى
دين فى الأعناق يا وطنى
و حب فى الأعماق يا وطنى
قبلات و عناق يا وطنى
ليه الأيـــام يا وطنى
تفرقنا أعـــوام يا وطنى
تبعدنا دوام يـــا وطنى
نحـــيا الآلام يا وطنى
سلبتنا غـــرام يا وطنى
نستنا أحــــلام يا وطنى
ما عدت أنام يا وطنى
ما إنت حنــــين يا وطنى
حجا المسكيـــن يا وطنى
كحل عينين يا وطنى
فيك الوالدين يا وطنى
أحباب و بنين يا وطنى
و قبور صالحين يا وطنى
أقاموا الدين يا وطنى
شاعرك محتار يا وطنى
فى صدره النار يا وطنى
غناك أشعار يا وطنى
و عزفك أوتار يا وطنى
فى ليل و نهار يا وطنى
رغم الأسفار يا وطنى
و قسوة أقدار يا وطنى
سلامى أقريك يا وطنى
و شعرى يغنيك يا وطنى
فى دمى شريك يا وطنى
ما بخلت عليك يا وطنى
بالروح بفديك يا وطنى
و معلق بيك يا وطنى
روحى تناديك يا وطنى
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي2174
لاتوجد تعليقات