تاريخ الاضافة
الجمعة، 25 ديسمبر 2009 10:24:03 م بواسطة المشرف العام
0 1046
ابقى معي
بعد مرور عام .. جمع شعره المحكي ثم كتب إليها :
مرَّت سنةْ والحرف عصفور ماينـام
غنى على غصن السطورالجديدة
تستـقبلينه شوق واحساس والهام
ويبات فعــيونك مســافة بعيدة
كنــه حكاوينا على مـــــرَّ الأيام
تجسدت فســطور شاعر عنيدة
هذا أنا .. انتي غفينا من الــعا م
حتى صحينا والسوالف قصيـدة
صمتت قليلا ثم قالت له هل تبقى معي
الليلة قليلا ..؟!
فأنشدَعلى لسانها :
ابقى معي
اليوم بس ابقى معي..!
أبغى أحس إني معك ..
أبسمعك..
وأبنثر حروف الوله في مسمعك .!
أبغى أحس بلهفتي تمطر شعر
وأبغى أطير بوحدتي صوب القمر ..
أنثى أنا ..
وانتَ مواعيد الهنا
آخر طريق لوحدتي
وأول قصيد لقسوتي
تبكي عليّ ..؟!
وش في يديْ
أنثى قوية ظالمة ..!
ابقى معي ..
اليوم بس ابقى معي
طفلة صغيرة حالمة ...!!
***
ياصاحب القلب الكبير
حلمي صغيرْ
ليله من العمر الضرير ..
تبقى معي
تلعب بشَعري وانتفضْ
أغفي بحضنكْ وأفترضْ
إن الحياة انتَ وأنا ..
ماغيرنا
يقدر ينازعنا الهنا
يقدر يسافر للقمرْ
ينقش على بابه شِعر
ماغيرنا
يسمع مواويل الحنينْ ..وينتشي
يرشي عصافير الصباحْ ..ويرتشي
بأحلى نشيدْ
اليوم بس ابقى معي
قلب ووريدْ ...!!
***
ليلي حزينْ
ياسيد أحزان السنينْ
العمر كله في يدي
الآمرة والناهية
الواعية والساهية
أدري بحالي ظالمة
لأنك بكيتْ
وأدري بحالي هايمة .. لاني نسيتْ
أنثى أنا ..
تعرف متى تستعمركْ
تعرف متى تستثمركْ
لكني الليلة أجيك..
غير الليالي كلها
طفلة صغيرة حالمةْ
ابقى معي ......!!
اليوم بس ابقى معي
ننسج سوى
تاريخ فجر بلا نهارْ
رغم الحصار..
نحيا فباب الانتظارْ
لحظة هوى .. !!
لاتوجد تعليقات