تاريخ الاضافة
الجمعة، 25 ديسمبر 2009 10:50:24 م بواسطة المشرف العام
0 742
حمامة دار
أبي مرَّة ..
ولو مرَّة .. أبي أخرج من الأحزان ..!
إذا صرنا أنا وياكْ
مسولفلك عن اللي كانْ ...!
صحيح .. انتي الصباح اللي
تأخر عن مواعيده ثمان سنين
وأنا غصن الشجر عطشانْ
وجذره فاالثرى غرقانْ
لكن وين ؟!!
أنا عمري مسافة جرحْ
وفعيونكْ يجيني صبحْ .. ما عـَـ....ــرْفه ..!
ولا مرَّة تهقويتهْ
تحرَّيته..!
زمن ثاني
ثمااان سنين ماجاني ..!
وجيتيني
تناجيني ورا صوتي
قبل شعري .. بعد موتي
أنا .. أوّل .. ولو فعيونك الحاضرْ ..
أنا تاريخْ .. يفقد روعته .. لو صار به باكرْ
خذيني مثل ما شفتي
كسير القلب
أنا ما عاد لي خاطر
أعوِّد صلب ..!!
أنا يا بنت ما يبقى من حروفي شعر ينقالْ
قريتيني .. وأنا مدري
قريتي آخر الأمثال ...؟
( يقولون افزمان .. أوَّلْ
إذا حطَّتْ حمامةْ .. فوق سور الدارْ
ومن حول المكانْ ..اصغارْ
هذاك يقول ذي ( حقتي )
وذا يرمي عليها حجارْ ..)
أنا يا بنت ما يبقى من حروفي شعر ينقال
قريتي آخر الأمثالْ ؟!! :
( أنا قلبي حمامةْ ضيَّعتْ صدري
وحطَّتْ فوق سور الدارْ .....!!! )
لاتوجد تعليقات