تاريخ الاضافة
الجمعة، 25 ديسمبر 2009 11:43:52 م بواسطة المشرف العام
0 692
وأنا معهم
تذكَّرتك ..وأنا معهم
مجمِّعهم
ودورتك قبل ما أنساكْ
في يومي ..وفي أمسي
لقيتك قبل ْما ادوِّر
لقيتك بينهم نفسي
أنا انتي مثل مانتي
فرحت لفرحتي مثلك
شعرت بحسرتي قبلك
وأنا معهم يناديني
صدى صوتك
ويبكيني
وإذا طيّبت له خاطر يغنيني
وأنا معهم يشاجيني
يموّتني ويحييني
***
تذكرتك وانا معهم
ومن حولي عبير الورد
وفعيوني خيال البعد
يقصِّيني ويدنيني
يضحِّكْني ويبكيني
وأشوفك من ورا ضلوعي تناديني
وأشاورلك
أسولفلك عن أحوالي
تغنيني وتبكيني
****
ترىكل الحياة انتي
وكل الموت لو كنتي
مكاني تسمعين بكاي
في صمتي
ويحيا موتك بموتي
أنا إنتي .ولو قلتي
فرحت وطرتْ
أعَرْف انك مثل مانتي
( ألم ) فيني
يبعِّدني ويدنيني
يضحِّكني ويبكيني
وإنت بين كل الورد ترثيني
وأنا أحَسْبكْ تغنيني ..!!
لاتوجد تعليقات