تاريخ الاضافة
الإثنين، 4 يناير 2010 10:55:52 ص بواسطة المشرف العام
1 920
بعير !!
حزين يا قلبي الليلة .. وحزنك كبير
تطري عليك الطواري من يمين ويسار
أشغلتني وانت ما تدري عن اللي يصير
مثل اقتصاد الدول توشك على الانهيار
ودك تعيش الحياة بدون موت الضمير !!
يا صعبها وانت عاجز تتخذ لك قرار
شف حولك الناس تلبس من ترفها حرير
وانته تضم التعب والهم والانكسار
يا قلب وش فيك ساكت ؟ هاتها من الاخير!!
علمهم انك بدال الحلو تشرب مرار
الناس وش همها لا صرت عايش فقير ؟
الناس تتبع غني المال لو هو ( .... )
فـــ عيونهم لو كبرت تكون دايم صغير
ما ينظرون لك غير بنظرة الاحتقار !
اللي بـــ عشرة ملايين اشترى له بعير !!
يصبح سواة الملك حشمة وعز ووقار
واللي سواتك يموت وما لقى له نصير
ليله مـــ هو ليل لو كان النهار النهار
لا صار مانتب خوي إمير والا وزير
بتصير الاحلام في نظرتك لعبة قمار
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث920