تاريخ الاضافة
الإثنين، 4 يناير 2010 12:24:35 م بواسطة المشرف العام
0 827
صوت ريم
تفز الذكريات بصوت ريم وضحكها المنساب
جداول وسط سمعي لين اذوب بصوتها الراقي
أنا يا ريم شفتك في خيالي تفتحين الباب
لموج من المشاعر تنسكب في داخل اوراقي
فقدتك من ثلاث شهور يوم احترقت الأعصاب
وانا انده لك تعاااااااالي في ثواني ( عمري الباقي )
مدى هذا الحنين يجغرف ايامي دروب غياب
وانا اسأل عنك طيفٍ ما نوى في لحظة عناقي !
وحشني كل ما بك .. من نخيل ومن ثمر واعناب
وانا يا ريم شفتك جنتي واحساسي الساقي
غيابك نار .. وضلوعي هشيم وصدري الأعشاب
دخيلك فكري مليون مرة لحظة احراقي
لأنك غير عن كل البنات وما سواك احباب
يكفيني فقط لا من ضكحتي تزهر اعماقي
أحبك .. إيه احبك صدق .. لو هذا الزمن كذاب
جداول صوتك بسمعي يا ليت تحن لــ اغراااااقي
عشان الذكريات اللي تمر بداخلي تنساب
ترجعني لتنهيدي واذوب بصوتك الراقي
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث827