تاريخ الاضافة
الإثنين، 4 يناير 2010 01:24:37 م بواسطة المشرف العام
0 841
توصي بشي من قلبي
مـــدخـــــل
يا قلب وش صايبك مانتب علـى بعضـك
يلعب بك الشـوق ... ويكسـر جناحينـك
ماهوب نبضك .. أبد ماهـوب ذا نبضـك
ولا هيب هذي سوايا الدمـع فـي عينـك
سماك متغيرة .. وشلـون عـاد ارضـك
لا الكـون كونـك ولا هـذي عناويـنـك
مــدخــل آخــر :
يا رياح الشوق هبي وعيثـي بـي غـرام
وكل غصنٍ في طريقـك بقلبـي كسريـه
كم لي اتقلّب على جمـر تنهيـد الخصـام
واتنفس ضيقتي بيـن ضحكـات الوجيـه
والحبيـب اللـي نسانـي ولا ردّ السـلام
صرت احسه ما يبيني وانا بالعكـس ابيـه
آآآه مـن صـدات قلبـه وقـل الاهتمـام
وذكرياتٍ كثر ما احـب اشوفـه تشتهيـه
يا حبيبي وانـت مسـك البدايـة والختـام
وانت كل اللي رجيته فعمـري واحتريـه
ضاعت ايامي بدونك وجا شهـر الصيـام
كيف ابارك لك قدومه وانا فاقـدك فيـه ؟
.
.
.
.
مــخــــرج :
يــا المـتـرف النـاعـم الـهــادي
يـا الاقـرب اقــرب مــن يديـنـي
أحـبــك وتــشــرق اعــيــادي
وافـارقــك واخـتـنــق فـيـنــي
محـبـتـك أعــظــم امــجــادي
وخسـارتـك .. غلـطـة سنيـنـي !!!
وشـلــون أبـوصـفـك لاحـفــادي
لا شـافـوا الـدمـع فــي عـيـنـي
.
مـــخــــرج أخـــيــــر :
.
مسيّك بالورد .. يا العشق الجرّي اللحـوح
يا منتهى.. لذته .. وغوايته .. والجـراح
مسيّك بالورد .. لو هو معك يخجل يفـوح
مادامك اجمل وارق انسان بالعطـر فـاح
مسيّك بالورد .. وانت الورد جسـمٍ وروح
مسيّك بالورد .. واسمع للكـلام المُبـاح :
توصي ب شي من قلبي .. قبل لا يروح !!
ما به من الشوق أدراج الأسى والريـاح !
ما عـاد للوصـل بـرقٍ فالحنايـا يلـوح
و احلامنـا فاللقـا عمـداً كـذا تستبـاح
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث841