تاريخ الاضافة
الثلاثاء، 5 يناير 2010 07:17:01 م بواسطة المشرف العام
0 866
تلويحة مسافر
(1)
ما بقى فالليل ليل !
وقرّب الصبح يتنفس ..
شمس بكره ..
تمسك الأرض بتلابيب الظلام
ناس .. تغرق في سبات
وناس .. تعرق في حياة
وفـــ آخر حدود الظلام
خطوة مسافر.. وتلويحة وداع !
كنّه اللي.. إهتدى لـــ درب الضياع !!
وإهتدى !!
وبعدين .. ضااااااع !!
(2)
في حقيبة ذكرياته
بعثر سنينه بلا ترتيب !
جمّع سنينه بلا تثريب !
رتبّها على كيفه !!
وعلى حسب الجراح
وانطلق ..
قبل الصباح !
يخطف اقدامه معاه !
(3)
إلتفت خلفه
يدوّر !
ما لقى كفٍ يودّع
وما لقى قلبٍ يودّع !
ولوّح بكفه لماضي ذكرياته
وفاته إن الماضي/ الباقي !!
فاته إن الماضي مبعثر معه
في حقيبة ذكرياته !
(4)
يا مسافر
لا تدوّر عن ظلالك
ما معاك إلا ضلالك !!
(5)
يا مسافر
والسفر: ترحال الأرض بمن عليها !
السفر : صوت الخطاوي من بعيد !
السفر : قطعة عذاب !
السفر : تنهيدة الأحباب للأحباب من بعد الغياب
السفر : غاية تدوّر عن وسيلة !
السفر : نصفه هروب ! ونصفه الثاني شجاعة !
وانت تجمعهم بخطوة !
(6)
يا مسافر !
غنّ روحك !
تقدر تسجل خروجك !!!
عن جروحك
كلها خطوة
وتلويحة مسافر !!
إهداء : للمقيمين على قارعة سفر !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث866