تاريخ الاضافة
الخميس، 7 يناير 2010 07:43:02 م بواسطة المشرف العام
0 764
مخاوف
مخاوفْ .. والمدى غيمةْ
وأحجار الطريق كثار ..
وانا الأعمى ..
وكل الدرب من حولي ..كلامْ صغارْ ..!
هنا ....
لا ...
من هنا ...
تمشي .......
أطيح وضحكة الجهَّالْ .. من حولي .. (كلام كبارْ .. ) ...
مخاوفْ ...
من بقي شايفْ
ظلام الصبح .. غير الدربْ
ومن يقدر يجيله قلبْ ..؟
يحبْ وضحكة الجهَّال من حوله
( تصير غبارْ ..!!!! )
مخاوفْ .. والشفق واقف
على باب المسا بوّاب ..!
دموع الليلْ ..
فالمنديلْ ..
كُحْل جْنُونها فيني
أنا ويني ؟!
تركتَ الشمس تنفيني ..
ورا صوتي ..!
وفي موتي ..!
عزا .. واصحابْ مايدرون منهو ماتْ ..!
وَعَدْنا فاتْ
باقي فآخر الساعة دقايق كبْتْ
وبكرة السبتْ ..
دوام الجامعة .. والشارع الكذّابْ ..!
مخاوفْ والسما سودا ..
وأسراب الظلام طيورْ ..!
أنا المذكورْ
بأعلى صفحة أحزاني
طِلِعْ في هاجسي هلحين شيْ ثانيْ ..!
صحيحْ إنه ورا الميعادْ
بقي لليلْ فــ .. ـعيون االنجومْ أسرارْ
شظايا نارْ ؟
نقوش جدارْ ؟!
شرشف وجهها العشبي ؟؟!!
ويااااغلبي
نسيت إن الظلام طيورْ ماتنصاد ..!
مخاوفْ , والكلام أقسى من الإحساسْ ..
بقيلي ناس .. من حولي
وفي قولي
شراشف أمي الخضرا
وضحكة وجهك الصفرا
ورعشة كاسْ ..!
مخاوف لوقدرت أكذب ..كذبت وقلت ما احبّك !
ولو إني قدرت أحسبْ
حسبتَ الصدق في قلبكْ ..
بس المشكلة قلبي ــ مــ ...هو ذنبي ــ .. طفل حسّاسْ ..!
مخاوف والصديق آخرْ حديث الآهْ
على ذكراهْ ..
وقفنا الليلْ للشمعةْ ..
وذبنا ملح للدمعةْ
وعلمنا الكلام اسمه .. وما ينساهْ ..!
أنااا أَوّل سنين الموت والذكرى
وآخر واحد ايــ ..ــفكر .. متى بكرة
ابطّي دقّة الساعة إذا وِدّي
أجيب الهرج ..ما أوَدّي..
وأحب أنساهْ ..!
مخاوف والقلوب ألوانْ
من الأسود إلى الأخضر
من الأبيض إلى الأخطر
كتاب أمّي ..!
ومن همّي
كتبت إن السما بيضا وميراث الشفق أزرقْ
وقلب الغايبة أرفقْ
وميلاد القمر عنوان
متى الشاعرْ ؟!
إذا مرّة عشق .. يكتبْ
أو العاشق .. إذا مرة كتب يكذب ؟!
أنا الإنسان
أكبر همي النسيان
في عيني .. جمعت النور والبهتانْ
في قلبي .. كِبِر بستان
شوكُهْ .. آخرُهْ وردهْ
وأسفاري بلا عودهْ
وتذكاري حكاوي .. كلها تبدا بــ .. ياماكانْ :
قلم فوق السطور أحمر
وعاشق شاغل الجيران
عطر تركيبته ( ليلى )
وعين الغايبة نجلا
وأنا عطشااانْ ..!
أمانة لاذكرتيني وقلتي ( كانْ )
خذيني من تفاهاتي .. وغلطاتي
وصورة طيفك الفتّانْ
مخاوف لاتروحي هناك تنسيني
مواقف .. ما تصير الحين تلقيني ؟!!
بلا حرمانْ
شواطي صوتك احساسي
وآخر صمتك أنفاسي
ومهما كانْ
أحبك ماقدرت أخفي
إذا كنتي مرض ياااااااارب لاتشفي
بموت الشاعر الولهانْ ..!
لاتوجد تعليقات