تاريخ الاضافة
الخميس، 7 يناير 2010 07:55:45 م بواسطة المشرف العام
0 894
انتي هنا ؟!!
ودي أبوووووحْ ..
ودي أقول اني انتظرْ ..
ساعة شعر ..!
ودي الجروح .. اللي كثرت في صفحتي ...
تنبت زهر ...
ودي أقلّد شهريارْ ..
أنثى الحصار .. وانثى المسا ..
علّ وعسى .. يمتد ظلي لآخر حدود النهار
ودي أقول .. حزني يطوول ..
وانتي هنا .. منهو لنا إلا أنا ..!
من يقدر يرد السلام افحضرتك ..
من ممكن ينازع مزاجي قهوتك
من يقدر يقلك متى ... تب تعطفين ..!
من يقدر يعانق معك صيف الشتا
لو تسهرين
أنا هنا .. منهو لنا إلا أنا
يا الصاحية ... كل القلوب الساهية ..
صحيت تحب ..
كلي تعب ..
كلي مسافة نايمة ..
لحظة غريبة مسالمة ..
هقوة حروفْ
صعبه نعيش أحلامنا شعر وطيوف ..
انتي السكون
وانتي الجنون
وانتي فراشة حالمة
اتخيلك .. اتأملك .. وابقى أشوف
قولي : تحبيني كثير ..؟!
طيب ..بلاااااش ..
قولي تشوفيني كبير..ْ ؟!
طيب بلاش ..
قولي أحب ابقى معك ..
أبغى اسمعك
أبغى اتعبك ..
والعّبك ..
وأقول يا اااااا قلبه طفلْ ..! مابه خجل ..
معجون من طين الغزلْ ..!
انتي هنا ؟!!
أكحّل جفون المسا افــ بعض الأحلام
وأذكرك وآنا في طقوس احتضاري
الشمس صفرا والمدى دمعة أيام
كنتي معي فيها مساي ونهاري
ضحكتك ..! كم احدعش فالعمر قدام
حتى تضحّي عزتي بانكساري
مهر القصيدة ويل ياست الإلهام
ذنبي وذنبك .. حسرتي وانتظاري
لاني قدرت أكذب .. ولاجفّت أقلام
أكتبك وأقرى في حروفك خياري
أكرّر حروفي سواليف وأرقام
وادفّي عظامي على جال ناري
وشلون صدقتي خرافات الأوهام
كيف ابتعد وانتي سماي و مداري
لاتوجد تعليقات