 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| مسا بنت المسا .. أنثى .. وصوت افلهفته مبحوح |
| وقلب يحاور أيامي .. ويشغلني عن أحلامي |
| مسا قلبك .. يناديني .. وانا في شرفته مذبوح |
| أفكّر فآخرةْ حبّي .. واناظر حسرة أيامي |
| مساك انتي .. مسا الحارة مسا شبّاكك المفتوح |
| اذا ناظرته بعيني أخاف تخونك أوهامي ..! |
| مساكْ .. بربكة الساعة .. وصوتي لاتمثّل روح |
| تخلَّق داخل أنفاسك .. وتكبر لحظة الهامي ... |
| أحبك .. إيه انا لحالي قدرت أقولها وابوح |
| أخاف هناك من صوتي ..صداه أكبر من اسهامي |
| تقوليلي كثير اشتقت؟ واقول أكثر من المسموحْ |
| أفتّش في شوارعنا ..عن أجمل بنت قدامي ..! |
| مسا .. صوتي .. |
| صدى موتي .. مسا ك انتي ....! |
| متى كنتي ..؟ |
| يد الشاعر .. وديوانه |
| مدى تفكيره بشعره .. ونسيانه لعنوانه ..! |
| أمانة يا أول السهرة .. تظلّي لآخر السهرة .. |
| تعبت أجمع لك الفكرةْ |
| تعبت أكتبك وانتي غير .. |
| مساء الخير ... |
| لا .. .. أكبر .. |
| مساء الخير والنعمة |
| مساء أخضر .. |
| مساء أوقاتنا ال طعمة |
| ونوم الطير ... |
| على شيحة تدلَّى غصنها في بيت جيراني .. |
| مسا هاتف معك ثاني .. |
| مسا التخيير...! |
| بين انك تشوفيني ..و ما اشوفك |
| مسا التعكير ... |
| كيف اغتالني خوفك ... وانا أعمى |
| حياكَ اسمى |
| حياكَ اسمى |
| مساءَ الخير |
| لا.. .. أكبر .. مسا أكبر |
| أخاف يخونني التعبير ..! |
| حتى الطريق ... |
| اللي ابتدا فيه االكلام ... |
| عيا معي قبل الظلام ... |
| اني أمرْ ... |
| لو انتظرْ |
| في مدخل الحارة واشوف الناس حولي يعرفون ...! |
| إن القمر نصف الشهرْ .. |
| وان القهر .. |
| لا صرتْ ما تقوى السهر ..!! |
| أبقى أردّد بس: ياااليتك تجينْ |
| ماني حزينْ ... |
| لو تبعدين ..! |
| ودي اشوفك بس ليتك تعرفين ..! |
| إني أخافْ ... |
| من زحمة الشارع .. أخافْ |
| من صوتك المبحوح .. لاقرّب شويْ |
| يعتب عليّ |
| يغضب .. وانا حتى غَضَبْك إن صار .. |
| ماهو في يدي .. |
| ودي اشوفك بس لو وردة على غصن الحنين |
| قلبي أمين |
| عيني طويلة .. قصّرتها ربكة الشارع |
| وشكّ الواقفينْ |
| واللي خلقك أحلى .. وأحلى .. اشرب القهوة .. وانتي تناظرينْ |
| لكن أخاف |
| إنك إذا جيتي نموتْ |
| ونورّث الوقت السكوتْ |
| جايز تجين .. لو بس حتى تدركين |
| إني أنا والليل .. |
| في ذمة تعبنا من عناوين البيوتْ ..! |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
