تاريخ الاضافة
الخميس، 7 يناير 2010 08:30:22 م بواسطة المشرف العام
0 783
غياب
غيااب .. وتوقف الذكرى على حدي
وقف ضدي
يمد بقسوته حبل الأصيل اللي فباب الليل لضلوعي
ترك جوعي
أنادي من ورى صوتي .. وفدموعي
مرار الملحْ ..
انادي .. من ورى صوتي : ( ابيك الحين )
ابي .. ألمسك فعيوني ومايحرق جفوني ملح
وابي القاك وسط الليل ساعة صبحْ
تقوليلي .. عن اللي قبل ما احبك ( يشوفونك )
عن اللي بعد ما احبك ( يخافونك )
وعن حزبين :
جماعة ( حرف ) تكرهني ( يصافونك )
جماعة ( صدق ) ترحمني يجافونك
أبيك الحين
قبل ماتسافر السكين في صدري
وفي شعري بقايا فالْ :
يقال اني جمعتَ الليل على خدود العذارى خالْ
وغنيت القمر موال
وان اللي تبي ترسم ملامحها قصيدة باول الدفتر
تبيتسهر
وتنسجني عليها شالْ
أبيك الحين ..
أبي يدي
نسيت إن القلم فيها
وإن الطين .. ذاك اللي تروّى بالمطر مرة
رسمنا فوق ( رَوْبُه) قلب
وكلمة حب
وأول حرف من اسمي
وآخر حرف من اسمي
نسي وجهك .. ولكنه حفظ رسمي
ابيك الحين ..
وانا موج البحر مدي
بديته بأول شجونك
بديتك صوت
نسي في دفتر حضورك حروف الموتْ
وعاش افجنة عيونك
ابيك الحين
مسافة بين ماكنتي .. قبل عهدي
مسافة ماكتبتك حرف .. ظلّتْ نقطته يدي
ابيك الحين
حنين سنين
عذاب اثنين
ماابغى توقف الذكرى على حدي ..!
لاتوجد تعليقات