تاريخ الاضافة
الخميس، 7 يناير 2010 08:51:24 م بواسطة المشرف العام
0 761
شوفيني..!
شوفيني يوم عبدلله .. لونه يوم
وعيشي لهفتي لحظة .لو نه حلم
أنا الأول وأنا الآخر ..
وأنا الأبيات والشاعر
وأنا وحدي ورا بيتك
إذا ناديتني جيتك
طفل مشتاق
نسي وجهه ومدرسته
نسي صوته .. نسي يومه نسي وقته
وجاك بشوقْ
يشوفك مثل ..كل اللي عجز يوصل .. بعيد وفوق
يقلك ..
كاهني جيتكْ
أنا عنوان مدرستي .. أدله ..من ضيا بيتك
وأنا صوتي مثل ..موتي ..
سهل في عيونك النجلى
وأنا آخر شواطي الحب .. لافاتن ولا ليلى
شوفيني يوم عبد الله وقولي لي
تجي لجلي ؟
وأنا في طاقتي وحدي
مسكت كتابك المشجون في يدي
مسحت بدمعتك خدي
***
شوفيني يوم عبدالله ..
أنا ما تهمني الشطآن
ولا حتى البحر لو كان ......
أنا البحَّار والربان .. ْ
أنا السهرانْ ..
مثل كل البشر سهرانْ
أناجي نجمة عيونك
وأشوف الحلم من دونك
يموت بلهفة أشواقي
ووش باقي
إذا كنتي .. مطر روحي
وكل الطب لجروحي
أبصبر بس ..
وبانطر شمس
تجي باحساسك الذابلْ
وما تروحي ..!!
شوفيني يوم عبد الله
أنا مثله .. أبجمع لك حنين الليل
وابا نثر وسط بستانك .. عبير الهيل
أنا وحدي .. ولو قلتي .. كثيرين البشر حولي
أنا وحدي .. أعرفك دون ما تقولي
تحبيني ..!! ؟
أبد والله ما قلتي .. ولكنك تشوفيني
بقايا قلب
عنيد وصلب
يعاند صوتك المبحوح ..
ويسهر كل ليلة .. حالمة مجروح
تحبيني ؟!!
لا و اللهْ ما قلتي
ولكنك حرمتيني
أحس إنك تشوفيني .. مثل ما آنا
بلحظة شوق بكانا
بحرقة صوت ما يبكي
ولا يحكي ..
رضي ينسى وينسانا
أنا شاعر .. وأنتي فتنة النسوانْ
تقوليلي .. عن اللي كان
وعن ذاك المطر هتَّان
أبد ما يهمني هذا
أنا حلمي .. إذا أحلف
ترى والله ..
أكون فيوم عبد الله
لاتوجد تعليقات