تاريخ الاضافة
السبت، 18 يونيو 2005 12:53:35 م بواسطة حمد الحجري
1 2238
يا زمان العجايب
يا زمان العجايب وش بعد ماظهر
كل ماقلت هانت جد علمٍ جديد
إن حكينا ندمنا وان سكتنا قهر
بين قلبٍ عطيب وبين خلٍ عنيد
لو تفيد المدامع كان اسيل نهر
مير كثر التوجّد والدمع مايفيد
اصبر ايام واشهر واتصبر دهر
وان حصلّي مناتي جيت لوني بعيد
ارجي الله واراقب كل طالع شهر
يجلي الهم عني أو عساه مايزيد
ياغزالٍ فضوح الزين عنه اشتهر
في عيوني ملاك ووسط قلبي وحيد
مخطي اللي يشبه وجنتك بالزهر
الزهر ماله رماحٍ تصيب وتصيد
لوجحدت المحبه سقم حالي جهر
مير ماكل قلبٍ ياصل اللي يريد
إسم الشاعرالبلدإسم القسمالمشاهدات
خالد الفيصلالسعودية☆ شعراء العامية في العصر الحديث2238