تاريخ الاضافة
السبت، 18 يونيو 2005 12:57:09 م بواسطة حمد الحجري
0 5783
يا وش بقى
يا وش بقى باعطيك مني ولا جاك
ماباقي الا روحي أحيا بها لك
أوصف جمالك كل ما انشدت و اهواك
و ازين أيامي بجلسة خيالك
يا الغايب الحاضر بقلبي و لا القاك
أقرب من عروقي و صعب منالك
شالك زماني عن عيوني و وداك
لا شك وثق في ضلوعي حبالك
يا حاجب شمسي ورا ليل جفواك
ما بالعهد بك قاسي في دلالك
وش غيرك يا منوة القلب و اطغاك
على حبيب ما تخير بدالك
دنياي ما تصلح بلا شمس دنياك
و الليل يوحش لو تغير هلالك
ما ينقطع ظما الهوى إلا على ماك
ولا يهون حره إلا ظلالك
ولا تشوف العين زين بلياك
ولا يطرب سمعي إلا مجالك
ولا انتفض قلبي من الحب لولاك
ولولاك ما يبدي علي ما بدالك
إسم الشاعرالبلدإسم القسمالمشاهدات
خالد الفيصلالسعودية☆ شعراء العامية في العصر الحديث5783