تاريخ الاضافةتاريخ التعديل
الأربعاء، 28 ديسمبر 2005 10:37:50 م بواسطة L!Lyالأحد، 10 يوليه 2016 06:32:38 م بواسطة حمد الحجري
1 3446
عيون الحب
عيون الحب لايمكن تناظر
عيوب الخل لو هو عيب كله
تماري فيه وبوصفه تكابر
ترى من فوق خلق الله محله
رفيق الليل في الشباك ناطر
وأثاري الليل شباك لخله
حفظ أحلى الكلام وصار شاعر
بصبر ينتظر والصبر مله
حبيب عشت في دنياه عابر
حسب قوله ويا شعري في قله
أنا ضحيت له وأرجي وصابر
وإذا عيا أقول الله يحله
على الملتاع ألا يابعد باكر
يبي السلوان والذكرى تظله
صحيح إن الهوى سحر المشاعر
يراها الصب عز لو يذله
عيون الحب في قلبي تناظر
تشوف اللي عيوني ما تذله
إسم الشاعرالبلدإسم القسمالمشاهدات
طلال الرشيدالسعودية☆ شعراء العامية في العصر الحديث3446