لمساء يابو طلال أمسى وأمسى الملك ل الله | |
|
| والبنادم ماله الا الصبر والنيه مطيه |
|
أخذني بيات نفس وردني بأ يّت جبله | |
|
| المهم: إني أنا وياك من دون البريه |
|
سق صباح الخير ولا سق مساه ورش فُله | |
|
| لن في شجرة ذويك وذي خير ونار حيه |
|
ماتلبسنا بشوت الناس واللباس المدله | |
|
| لابسين العز من ساس ٍ له العزّه سخيه |
|
طب وأتخير من الاحفاد والاجداد أهِلَّه | |
|
| أيه مذخور ٍ لك التاريخ فيدين ٍ حفيه |
|
شاعر ٍ ما ينشد القمه عن اللي جاء محله | |
|
| لنها ماهمته مثل النقاده والزريه |
|
والقصيد أن غافل الشاعر وزود الوجد تله | |
|
| تاخذ الاحباب عن فمه الحروف الابجديه |
|
وان كتب فمجاد اخو نوره وفي سيفه وظله | |
|
| هز تمثال انور السادات في مصر الابيه |
|
وان كتب فصحاب باعوها ومروا في سجله | |
|
| نام قلبه . وارجهنت دمعت العين الشقيه |
|
والمساء بارد وشوقه حار وأحداثه ممله | |
|
| وانته اللي قلت أخذ بعض المسايل بريحيه |
|
والفؤاد أضناه حب ٍ لاجفاه ولا حصله | |
|
| والقصايد باسها باس وقضيتها قضيه |
|
تبتدي هاجس وتصبح حلم تخشاه وتذله | |
|
| روح تتنفس من اللا وعي وللا منطقيه |
|
والخيال آمال والآمال دوله مستقله | |
|
| مايضيع سدة الأمال غير النرجسيه |
|
والقضيه بين قلب وقلب واحساس ٍ يدله | |
|
| والقلوب ارواح والاوراح حسب الجاذبيه |
|
لن ماحد ٍ من بني آدم خلق من غير خله | |
|
| ولن ليه صاحب ٍ غالي وهو قاس ٍ عليه |
|
عطر الله حبه وقلبه وتحنانه ودله | |
|
| والله انه يذكره بالخير ويخليه ليه |
|
مايمل من التغنج والتغلي مايمله | |
|
| وان خذيته بالكلام الحار سواها دعيه |
|
اشتراني بالغلا والحب والتحنان كله | |
|
| واشتريته بالوفاء والتضحيه والمقدريه |
|
مامعي فالحب حل الا اني ابيحه واحله | |
|
| ومتطي صهوة جواد الصبر والنيه مطيه |
|