على الله والولي الله ليا كبرت يابو هذال | |
|
| بعد صلى العشاء التالي واخذ طرسه وغليونه |
|
تمهل لين قر الحبهان بقاعة الفنجال | |
|
| وجثى جمر الفؤاد ال دلةٍ بالكيف موزونه |
|
عسانا ناصل اللي فالخيال وفي هجوس البال | |
|
| لو ان اقصى الخيال ايحول ياس البعد من دونه |
|
تبى تصعد درج فكري تعال اصعد لطيّب الفال | |
|
| الك عندي كلام ٍ نايد التفكير عربونه |
|
تجيب المسرجات ان جات من برج الخيال اشكال | |
|
| ونختار اللي اتعبر عن اقصى الجرح وطعونه |
|
بعد رحت ال سمرقند وتمرقدت بجزيرة بال | |
|
| على برزخ من التاريخ والفسطاط مشحونه |
|
رجعت ولا معي غير الندم والخوف والترحال | |
|
| ورى لمعة سرابٍ كل خلق الله يخيلونه |
|
غريبٍ مر او عابر سبيلٍ مالقى مقيال | |
|
| ولاله حق . والله ماعلم باللي يحيكونه |
|
والا ياشجرة اليقطين مالليقط غير اظلال | |
|
| غريبه..! والبحر ماصار له ناسٍ يغوصونه |
|
على الذمه يمر القيل تلو القيل واللي قال | |
|
| يمر. ولا يمر اللي على ذمة يقولونه |
|
يقولون العرب فالداب ياسلطان سبع امثال | |
|
| وانا اقول ان مافالداب غير الناب وعيونه..! |
|
ياشاعر مامعك غير انت . قلب . وسبحه وتمثال | |
|
| بنيته من وعي ماكل خلق الله يعرفونه |
|
ماحبه .! اعشقه اهواه أتنفسه فيت حال | |
|
| أجوعه وعطشه واحب حتى اللي يحبونه |
|
على طار الغلى يالغالي اللي جيت: كيف الحال | |
|
| تعال اقلط على عرش الفؤاد وثبت اركونه |
|
تجي راضي ياسيد الناس والاحساس ماينقال | |
|
| بعض كلي . وكل الناس ماهو شرط يقرونه.! |
|
لياماباقي الا اكتب قصيده ماطلبت أمحال | |
|
| حبيبي كلبويه شاعرك والناس مجنونه! |
|
اخذ عندك ياسيد الشعر والشاعر وراس المال | |
|
| قصيدٍ نكتبه عشان لامتنا يحفظونه |
|
أهم أحساسي انته بعدك انته كل شي خبال | |
|
| تعال وهاك هرج ٍ يشده الرجال عن شونه |
|
هنيا تلبس الخاتم .! هنيا يلعب الخلخال | |
|
| هنيا والله العالم جزيرة كنز مدفونه |
|
هنا مدري هنا مدري هنا يتعلق السلسال | |
|
| هنا وهناك تتعلق مرايا الترك مغبونه |
|
هنا حيد السنه .! وهناك حيد الارض ياجمال | |
|
| هنا تحت العنب تفاح لبنان بشطرطونه. |
|
ياعمري عندهم غلطه فضيعه من على الاجيال | |
|
| ل صار احساسهم ماهوب لك لازم يعيدونه.! |
|
على اية حال خذني معك يالغالي على اية حال | |
|
| ابقلع في غرامك واترك العقل ودرقسونه |
|