تاريخ الاضافة
الأحد، 21 فبراير 2010 09:50:20 م بواسطة المشرف العام
0 651
أفضل طريقة للحياة
لا صار ودك ف الزمان تعيش ! وبراحـة ضميـر
سكّر عليك ابواب صمتك والتحـف ثـوب الغيـاب
مالك ومال الناس .. غب عنهم وتحيا ب 1000 خير
النـاس لا شافـوك مقفـي كـل واحـد حـدّ نـاب
ما عاد تعرف صاحبك لو صاحبـك باشيـاء كثيـر
يضحـك بوجهـك وان تقفـاك الله الله بالـحـراب
يكبر صغير القوم مـا يعـرف وش حقـوق الكبيـر
وش عاد ترجي منه اجل لا طالـت سنينـه وشـاب
وقـتٍ يـروّع والسوالـف مالهـا ســرٍ وبـيـر
مافيه داعـي للعجـب لا شفـت نظـرات ارتيـاب
شيٍ على لسانك يقـوّل وانـت يـا غافـل ضريـر
كلمـة تنزلـك الثـرى .. كلمـة تعديـك السحـاب
مـن يمدحونـك لا تصدقهـم وخذهـا مـن خبيـر
كلامهـم لـو ظاهـره رحمـه مبطّـن بالـعـذاب
أفضل طريقـة للحيـاة اليـوم .. وبراحـة ضميـر
سكّر عليك ابواب بيتـك والتحـف ثـوب الغيـاب
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث651