تاريخ الاضافة
الأحد، 21 فبراير 2010 10:30:39 م بواسطة المشرف العام
0 600
اطقها فالوجه
ماهو من اخلاقـي ولا اخـلاق الرجـال
الكلمـة العوجـا ونـكـران الجمـيـل
ولانيب من ربـعٍ ( يطقـون الظـلال )
أطقهـا فالوجـه ( مُـر وسلسبـيـل )
وان كان زادت بيـن قيـل وبيـن قـال
مانيب اوّقـف بيـن قـال وبيـن قيـل
يا صاحبـي وان كـان شديّـت الحبـال
أرخيت لك حـق الخليـل مـن الخليـل
لك حق تزعل كان جيتـك فـي خمـال
وازعل عليك ان قمت فـي حقـي تعيـل
لـولاي اعـدك فالمواقـف راس مـال
ما سقت لك شرهة وانـا بالـي طويـل
حقٍ علي امدحـك لا جـا لـك مجـال
وعيبٍ علي اجحدك .. واصلاً .. مستحيل
لـو انهـا رفقـة ثـلاث اربـع لـيـال
ما شلـت مـن همـي كثيـر ولا قليـل
واكبـر مصيبـة تعتبـر بيـن الرجـال
الكلمـة العوجـا ونكـران الجمـيـل !
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث600