تاريخ الاضافة
الأحد، 21 فبراير 2010 10:34:13 م بواسطة المشرف العام
0 552
شعر ومواويل
ياصاحبي لا تشتكي لي من الوقـت
هو فيه احد في وقتنا ما يعانـي !!
كم مرةٍ ضاقت بوجهي .. ولا ضقت
تضيق .. لكن ما تضيق المحانـي
وكم مـرةٍ كنـي بحزنـي تفرقـت
على الشوارع والشجـر والمبانـي
ياما على حبـل الأمانـي تعلقـت
وياما انقطع بي .. ما قطعت الأماني
من كثر ما كذبت الأحلام صدقت :
إن التعـب بحـرٍ بليـا مـوانـي
ومن كثر ما طاحت دموعي توّرقت
شعر ومواويل وجروح وأغانـي !
وان جيت لايامي بتلقانـي اشتقـت
ألقى مكانـي مثـل ماهـو مكانـي
والله لو في وجهـي احيـان دققـت
في ضحكتي بتشوف طعنة زمانـي
لكن لأنه في النهاية هـو : الوقـت
تعال نضحك ... كننا ما نعانـي !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث552