تاريخ الاضافة
الإثنين، 22 فبراير 2010 07:39:07 م بواسطة المشرف العام
0 665
حبيبي
تمـر البـال بعـض الذكريـات بكـل اساميهـا
من اوجاع وفرح واحزان وجـروحٍ بـلا والـي
تذكّرنـي وتاخذنـي لهـا واسـهـى واناديـهـا
ولا ادري يوم اناديها وش اللي مر فـي بالـي ؟
دلعهـا.. ضحكهـا.. همساتهـا مابيـن اشافيهـا
وجعها.. نبضها.. دمعاتها في لحظـة اهمالـي !
مشاعرهـا.. هداياهـا.. سهرهـا فـي لياليهـ
اتعبها.. حزنها.. واعذارها دايـم عـن وصالـي
ملامحهـا.. طفولتـهـا.. أنوثتـهـا.. تغليّـهـا
حلاها.. ملحها.. هندامهـا .. ملبوسهـا الغالـي
شعرها.. عينهـا.. وجناتهـا.. لمسـات اياديهـا
خجلها.. خوفها.. ضيقاتهـا منـي علـى حالـي
براءتهـا.. شقاوتهـا.. سوالفـهـا.. أمانيـهـا
عطاها.. صدقها.. إخلاصها الأكثر مـن ظلالـي
نصايحها.. رجاحـة عقلهـا لا جيـت احاكيهـا
دفاها.. بردها.. تنهيدها لا غبـت مـن تالـي !
رسايلهـا.. خطـا إملائهـا.. إحساسهـا فيـهـا
( حبيبي ؟؟؟؟؟) لو قفلت ف يوم لو لحظات جوالي
عساي القى لذنبي عذر لا مـن جيـت اراضيهـا
وعساها تدري اني ما رحلت وهذي اطلالـي !!!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث665