تاريخ الاضافة
الإثنين، 22 فبراير 2010 08:01:54 م بواسطة المشرف العام
0 562
تفاحه
الهنوف اللي غلاها ما تخـف جراحـه
تهدي جروح الغـلا بعيونهـا السحريّـة
تستلذ الطعن في قلبـي وهـي مرتاحـه
آآه منهـا لا طعنتنـي واتبعتْهـا كـيّـه
من غلاها كن قلبـي قاضـبٍ مفتاحـه
لجل تبقى في عيونـي حاميـة محميّـه
ومن حلاها وش تكون الـوردة الفوّاحـة
وهي جسدها من رغدها ممتلـي حنيّـه
عطرها منها وفيهـا ينسكـب بالراحـه
من ثغرها اليا نحرهـا ويتمـادى غيّـه
كل ما احتشمت ملابسها تجـي فضاحـه
وكل ما .. والا بلاش لكل ما .. سريّه !
عيبها الأكثر بـراءة ... دائمـاً لمّاحـه
وذنبها الأكثر طهارة ... قوّة الشخصيّـه
علقتني وتركتني في رجـا .. تفاحـه !
كيف اهز الغصن ويديني ماهيب يديّه !!!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث562