ياسعود شفّي لا استوى الكيف فنجال | |
|
| يطرب عماس الراس لا صك جوله |
|
وكيف المراجل ما تبي كل رجال | |
|
| الرجل ما يسوى بليّا فعوله |
|
الرجل ..يا تاجه على راسه .. افعال | |
|
| والا كما الاسفار.. تحمل ذلوله |
|
ما هي بلحية شايبِ بالعمر طال | |
|
| و لا بصيت المشيخه والحموله |
|
المرجله ..طبعٍ كما الغيث همّال | |
|
| جود وسخا ..و الطيب دايم هطوله |
|
طبع الشبل ضاري على كيف الابطال | |
|
| اهل الشيم..واهل الوفا والصموله |
|
يارد على بير المكارم ليا جال | |
|
| و يشرب قراح العز لا صدّروا له |
|
له بالصداقه عزوةٍ دونها اقفال | |
|
| تطغى على صعب المواقف سيوله |
|
اللي سواته نحسب افعاله اثقال | |
|
| معدن ذهب ما غيّر الدهر زوله |
|
والا الردي .. يا سعود بالشر له فال | |
|
| عوّد على طرد الهزايل خيوله |
|
همّاز.. لمّاز النمايم والاقوال | |
|
| تدمي عراقيب الخلايق بهوله |
|
ما ينفعه بالصيت عمٍِ ولا خال | |
|
| كل ِ بما تفعل يدينه ينوله |
|
هذا الزبد يطفي على ضفة الجال | |
|
| و قاع البحر مخبور درّه ولوله |
|
اغنم حياتك دام عمرك بالاقبال | |
|
| العمر ما يرجع ليا حال حوله |
|
يكفيك عن ذكر القصايد والامثال | |
|
| تتبع كتاب الله وسنة رسوله |
|