عناوين ونصوص القصائد   أسماء الشعراء 

السعودية

مشاهدة
934

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

والدي

يبه كبر شبلك غدى اليوم رجال
يبه وجرحه داخل الصدر ديره
يبه وانا اللي ما شكى يمك الحال
عجزت اشيل هموم صدري كبيره
يبه جذبني للعنا صوت الآمال
كن العنا يهدر عليّه هديره
تذكر وانا اللي يوم لبسّته عقال
وسلمت شبلك والمراجل مصيره
اشياء ماتخطر على خاطر وبال
كنت آترزز قدم ذيك الصغيره
كنت احسب اني عاشق ٍ جد بهبال
واقول في نفسي انشهد دميره
طفله يطيرها غزل كل دجال
و طفل ٍ حفظ قدره علشان غيره
ما كنت اعرف آقول ياعيال ياعيال
مغير اقول الله ياهي خطيره
مغير اهيجن صاحبي لابس الشال
يسوى العرب واللي سكن بالجزيره
لعيونها حطيت هالصدر تمثال
ورسمت قلبي وكر والاسم طيره
ولعيونها يوم إسقطت صحت بخبال
ومن شانها كسرت بيت المديره
ويوم إنجحت لبسّتها عقد سلسال
وكتبت حرفي مع حروف ٍ كثيره
ياكثر ماني كنت عاشق ومحتال
حتى اليماني ما سلم مع خشيره
كنت الشقي كنت الذكي كنت لا مال
حظي اقول الحظ مردود خيره
واليوم اشوف همومي جبال ٍ إطوال
لا طاح هم ٍ عدل الوقت سيره
يابوي ارفعني ترى الرخص قتّال
يا شين صبحي يوم آخايل إعصيره
يابوي يا مشكاي يامعدل احوال
من غيرك اللي لا انحنيت استشيره
ما جيتك اشكي من عنا بعد واهوال
الا اشتكي من شح دنيا ً غريره
من عقب ما الدنيا تحتنا وتختال
اليوم عيا السيف يدهل جفيره
والرجل لو حمله على غاربه طال
تبقى القصيره بالحياه القصيره
مدام صوتك باقي ٍ لي مع الجال
ما بي من الدنيا ولا الناس جيره
ويبه ترى ورعك غدى الحين رجال
لو ان همه داخل الصدر ديره
سلطان الأسيمر

الى تلك العيون التي لم يثنيها انقطاع النظر عن رؤية طريقي والى تلك الارجل التي لم تثنيها امراض ( الغارغرينا ) عن السير بي الى الامام والى هامة ابي التي لم تنحني الا لربها صوره مع التحيه الى والدي / ناجي عبدالله الاسيمر
بواسطة
المشرف العام
الإضافة: السبت 2010/03/06 12:34:21 صباحاً
التعديل: السبت 2010/03/06 12:42:32 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com