ياتارك ٍ قلب المولع على ماش | |
|
| اليا متى وانا على صدك آعيش |
|
اليا متى والخد من شانك دشاش | |
|
| طال البعاد ولا رون المعاطيش |
|
لو المدى دمعي ترى الدمع ببلاش | |
|
| ولو المدى جرحي ابا آقول حتيش |
|
بس انت قلي ياقوي عزم مع جاش | |
|
| من كسّر انفاسك على هزة الريش |
|
ومن علمك تقسى على جرحك اللاش | |
|
| جرح ٍ يسمى من عيونك مناقيش |
|
كم واحد ٍ يسوى بهالقلب ماعاش | |
|
| وكم واحد ٍ ساكن ولا قلت له ليش |
|
ليش انت من بد البشر عني انحاش | |
|
| ياناسف الروعه على قمة الطيش |
|
ياحلو .. يامملوح .. يابو هدب كاش | |
|
| يانزف ... ياتيار ... يابو عكاريش |
|
ارحم محب ٍ لك عليه الزمن شاش | |
|
| مايوم ناديته ولا قال بشويش |
|
بشويش سمعني هكالصوت لا ناش | |
|
| طبلة مسامع رغبتي دون تشويش |
|
وليّت ياساكن هكالدار ابو طاش | |
|
| اسود هدب خدك على الصدر مانيش |
|
ولو اني اصغر في عيونك والاوباش | |
|
|
|
وكان الاسيمر ماقوى النوم بفراش | |
|
| عنتر بكا عبله على اطلالة عليش |
|
ياوقت خذني تالي العمر آبا اعتاش | |
|
| مايقعد الطيّب وفي مجلسه ديش |
|
خذني مدام الناس في علم منقاش | |
|
| مليت لااركض عن فلول الاكاديش |
|
ياما ركزت اعوادهم بأرض ٍ هشاش | |
|
| وياما نزفت الدم ماقيل ذا ويش |
|
وياتارك ٍ قلب الاسيمر على ماش | |
|
| اليا متى وانا على صدك آعيش |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
