رغيف الحزن من جوع الغلابآ والشقى يقتات | |
|
| على كسرة جفاف وبلل التنهيد حلقومه |
|
تحت حضرة جناب الفقر والتلويع كم من مات .؟ | |
|
| سؤال ٍ يقتل امال الكبير ويزرع همومه |
|
ثمن آدم ورى آدم مداين ضيم .؟ والا فتات .!! | |
|
| طقوس الوقت ترنيمة طريح ٍ ضاعت علومه |
|
رحيق الويل من عبق الحناجر كم كسى اهات | |
|
| طعن في حربته وجه الصحيح وقدد هدومه |
|
نكابر لجل ضحكة سن في عين الغبي ونبات | |
|
| على يمكن يجي باكر صباح ونقدر نقومه |
|
وحنا من ملا وجه السواحل والثرى دانات | |
|
| عزفنا للفنا دم الصدور وفاح يشمومه |
|
قدحنا من محاجرنا ضما واسترسلت حسرات | |
|
| رحيل الطهر يعنينا كِفاه وماطر غيومه |
|
ياماضينا مواطينا حوافر تنتهيك ابيات | |
|
| يا واقعنا مداك الشُح في تعليل مرسومه |
|
نقول الفقر ما خان الفقير ان خانت الهقوات | |
|
| مصير ٍ علق العمر الغرير بكف ديمومه |
|
نُدار بفور وتطيح الحواجز وتخفت اصوات | |
|
| جرس حصن الحقارى ايقض الرهبان من نومه |
|
ياعّم اصحى على صمت الشوارع واسأل الويلات | |
|
| من اللي غيّر وجيه الحقايق وابتدا يومه |
|
شعارات المشاعر زيف تُحكى من جثث اموات | |
|
| يا عّم البؤس ذي ثورة جياع وتنتهي كومه |
|
مثل منهو بكى حاضر ضحك اخر على اللي فات | |
|
| أحد ما ضاق من قوته وأحد ما افطر بعد صومه |
|
نقول الجوع كافر كيف اجل بيصير فقر الذات | |
|
| حقيقه تختصر كل الكلام وتشعل نجومه |
|
سراميد الظلام افنت مساحات الكِفى لو جات | |
|
| طواغيت البشر قضبان والافلاك مردومه |
|
حكينا وانتهينا والمصير لهادم اللذات | |
|
| عظام ٍ تلتحف جلد ٍ رقيق ٍ غابت رسومه |
|
سكوت وخلو دروب المنايا تردم الضيقات | |
|
| على صدر الوجع لا غاب فقر ٍ طاح به قومه |
|