عناوين ونصوص القصائد   أسماء الشعراء 
شعراء العامية في العصر الحديث > السعودية > زايد الرويس > أخت القمر

السعودية

مشاهدة
1240

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

أخت القمر

أخت القمر بنت السحاب المزابير
بنت اخي الشمس وسوالف سفرها
فيها نعاس يطيّر النوم تطيير
لا بلّلت خدي غمايم ثغرها
الريح تاخذ مع شعرها مشاوير
روحه وجيّه لين تربط شعرها
والعطر مدري ليه ساق المعاذير
خجلان منها يوم مر ف نحرها
إن لبستْ اسود جت تسوق التباشير
مثل الليال البيض لا اجهر قمرها
وان لبستْ احمر قلت يا طاري الخير
معذور قلبي كان راح ف خبرها
هي مزهرية ورد مدري نواوير
في روضةٍ تبكي ويضحك زهرها
مياسةٍ ما مثلها في الغنادير
لو صدرها مرات يتعب ظهرها
لامن مشت ماعاد تدري وش يصير
فالخطوه اللي من قصرها قصرها
وان وقفت تاقف عليها العصافير
شافت غصون وجت تدوّر ثمرها
هي غير حتى لو زعل مني الغير
ما غيرها لو غيرها جا ب اثرها
فيها من الغيره جنون الأساطير
ومن الوله فيني قصيدٍ غمرها
زايد الرويس
بواسطة
المشرف العام
الإضافة: الاثنين 2010/04/12 11:55:02 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com