تاريخ الاضافة
الأربعاء، 14 أبريل 2010 10:57:16 م بواسطة المشرف العام
0 622
الحكي دخان
يـدق الصمـت ناقـوس الكـلام ويبتـدي التخميـن
تطيـر حـروف وتقيّـد غـمـامٍ للسـمـا سـجّـان
شفاةٍ تحتـرق تلفـظ مـن افـواه السنيـن : سنيـن
يبعثرهـا الحنيـن وتختنـق كـن الحكـي دخــان
انـا الساكـن ورا أسـوار حزنـي منتظـرك تجيـن
أناا لأبعـد مـن اللاممكـن الأقـرب مـن الإمكـان
أنا الإنسـان فـي داخـل تجاعيـده يعيـش الطيـن
أنا الأكثر وضوح من الوضوح / الغامض / الإنسان !!
أنـا ذاك الطريـق المنتهـي فبدايتـه .. تدريـن ؟؟
وش اصعب من طريقٍ مالقى في داخلـه عنـوان ؟؟
أنا ذاك الفقيـر اللـي صنـع مـن دمعتـه سكيـن !
زرعهـا فـي خفوقـه وابتـدا يتنفـس الحـرمـان
انا اللي ويـن مـا وديـت وجهـي شفتـك تمريـن
كأنـك تاخذينـه مـن دفاتـر غربـتـه : نسـيـان
أحبـك كثـر مـا مـر السهـاد عيونـي الثنتـيـن
ولا ادري وين اودي لهفتي لـك لـو تثـور الآن !!!
لأن الصمـت ناقـوس الـكـلام اتعـلّـم التخمـيـن
شفاهي تحترق واسكت واعرف ان الحكـي دخـان !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث622