تاريخ الاضافة
الأربعاء، 21 أبريل 2010 08:08:34 م بواسطة المشرف العام
0 496
طيب وبعدين
أحيان لامن فقدتك تنزل دموع
وأحيان أخبّي غلاك ودمعة العين
لقياك ماهي حكاية ورد وشموع
وفرقاك ماهي نهاية عشرة سنين
لو غاب طيفك معك , لك صوت مسموع
وأشتاق وأقول لك ( طيّب وبعدين )
أسبوع يقبل عليّ ويقفي أسبوع
وأحاول أحيا بذكرك وأقتل البين
كم ليلة ً جيت لك والراس مرفوع
كم ليلةً رحت منك وخاطري شين
كم ليلة ً جيت أبيك ورحت مفجوع
كم دقّ قلبي عليك وماترديّـن
وإن كان شفتي حبيبك كيف موجوع
وقريتي اللي كتبته عنك هالحين
مابيك تبكين , ماأحتاج لدموع
محتاج رجعتك لي , مابيك تبكين
إسم الشاعرإسم الكاتبالبلدإسم القسمالمشاهدات
عبدالرحمن الرويسعبدالرحمن الرويسالسعودية☆ دواوين الأعضاء .. عامِّي496
لاتوجد تعليقات