تاريخ الاضافةتاريخ التعديل
السبت، 8 مايو 2010 06:42:38 م بواسطة المشرف العامالإثنين، 10 مايو 2010 03:27:53 م
0 469
مدينة احزاني
مشيت وعيّت الخطوة تساعدني علـى فرقـاك
وقفت وملّـت السكـة تصيـح ابعـد تعدانـي
صفنت وصاحت العبرة تبي لدموعهـا يمنـاك
شهقت وطاحت الدمعة وطاح القلب واعيانـي
صرخت واّخر اللي أذكره ياصاحبي عينـاك
صحيت ولا لقيتك وانلجم من خوفـي لسانـي
ناديتك أحسب انك تضحك لـي بعيـد هنـاك
وعرفت انك سراب ومااصعبك ي فراق خلاني
حلفت بصدت عيونك ولو طال البعد ماانسـاك
أنا وشلون أنسى اّللي ربى مع نبض وجدانـي
تغيب الشمس بعيوني تهذري الروح في طرياك
وتشرق هالشمس والقلب يبكي خاف تنسانـي
سواليف الشجر للريح تسافر بي على ذكـراك
واطرد بالصحاري وحشتك وتشـح غدرانـي
تخّيلني اليا هبت عواصف وافتقـدت اخطـاك
وحيد{ن}والرعد وغيوم سودا برقهـا اعمانـي
وتمنيتـك قصيـدة نرجسيـة غرّهـا لامـاك
أسايرها وعصافير القصيد بلادهـا اغصانـي
عسى هاك الشفق يللي أخذ من وجنته واعطاك
يسافرلك...يحكيلـك طريقـي ويـن ودّانـي
أنا وشلون باكر أنتخيـك بغربتـي وماالقـاك
وانا مسافر بلا عيونك على مدينـة احزانـي
إسم الشاعرإسم الكاتبالبلدإسم القسمالمشاهدات
عبدالعزيز الروابةعبدالعزيز الروابةسوريا☆ دواوين الأعضاء .. عامِّي469
لاتوجد تعليقات