الحكم حمله حمل وأهواله أهوال
|
والذود عن مصالح الشعب كايد
|
ياليت كل شعوبنا قد ألامال
|
وياليت حكام العرب مثل زايد
|
الله خلق صرح البطوله للابطال
|
وماللرياده عرش من غير رايد
|
|
|
خلوا سواليف الحزاوي والاطلال
|
وأخذوا من الواقع علوم وكايد
|
الفعل والله فعل زايد ليا قال
|
|
أكرم من اللي يطعن البخل بريال
|
والهب من احساس الحطب بالوقايد
|
وأصدق من الدمعه على خد الاطفال
|
وأثبت من اسوار الحصون السدايد
|
فعله لحال وفعل خلق الله لحال
|
قايد ويحسب عن ثمانين قايد
|
الكامل الله بس هو كامل أفعال
|
سموه زايد لانه انسان زايد
|
رحمه من الله جت على شكل رجال
|
|
لوما القصايد تكتبه فخر واجلال
|
اجل من اللي تنكتب له قصايد
|
يابعد عمر الشعب والجاه والمال
|
ياذخر ربعك بالليال الشدايد
|
يارهبةٍ هزت سراجيف الانذال
|
ياشوق تلعات الرقاب الرغايد
|
بنيت جيل وصرت نبراس لجيال
|
عدلٍ على سبع الامارات سايد
|
رغم الكلل علمتنا نيل الأمال
|
ووحدتنا رغم اختلاف العقايد
|
لك صرح حافل بالمحبه ولازال
|
وان بادت صروح الغلا منت بايد
|
لو بالأبوه ... كلبونا لك عيال
|
ولو بالمروه ... كلنا لك سنايد
|
ياشيخ درعك درع ورجالك رجال
|
شعبٍ زرع لرضى زعيمه شهايد
|
تعلموا من نخوته ضرب الامثال
|
|
ان قلت زايد .. زايد سلوم وخصال
|
وان قلت قايد .. عن ثمانين قايد
|
ماقول طيبه لي حظر يعمل اعمال
|
|
|
يحب الارض اللي تحت رجل زايد
|