تاريخ الاضافةتاريخ التعديل
السبت، 9 أكتوبر 2010 12:52:05 م بواسطة عبدالله بن أحمدالسبت، 9 أكتوبر 2010 05:48:34 م
0 942
عبدالله بن أحمد & عبدالعزيز المعاوي
يا صاحبي اعـرفك مـن قبل شهرين
ياما تقابلنـا بـ روم(ن) و شاتي
وياما سمعنا عنك , طـاريك بـالزين
شاعر و لك قيمه وقدر و صفاتي
عبدالله بن أحمد على الـراس والعين
و النعم بك مليون والف و مياتي
قالو عنك شاعر ولك بــاع و سنين
ومروّض الخيل اللقب و السماتي
فيك المرح و الطيب والشعر و الدين
هذي صفاتك بـالعمر و الحياتي
هيّا يـا بو احمد تقّدم من الحـين
واكتب ردودك,واستمع للوصاتي
اخترتك الليله تـجاري بـ الامرين
امور سهله مثل شُرب المياتي
الامر الاول : وقفتك لي بـ صوتين
انت الوحيد الي بـقلبك غلاتي !
وثاني الامرين :عنــدك دواوين ؟
الــرد عندك وانا بألزم سكاتي
واختم بيوتي يا رفيقي على وين ؟
طالبك تدعي لي بساعه(وفاتي) !
الشاعر عبدالعزيز المعاوي
الرد
حي الرفيق اللي قصدني وأهلين
باللي رفع قدري وزينّ حلاتي
الصاحب اللي لو معي اليوم قلبين
أُسكنه فيهم براحه وسباتي
عبدالعزيز ابن المعاوي بكفين
أصافحك ياللي غلاك بخفاتي
ماظن يكفيك الشعر لو دواوين
شعري ومنضومي وبوحي وسكاتي
كل القوافي ماتساوي العزيزين
شرواك ندعي له بكل الصلاتي
اشريك ياللي معدنك حر شاهين
لبيه ياحايز وسام الغلاتي
متكاك في قلبي ومرباعك العين
اقلط تفضل في جميع الجهاتي
وقت الشدايد نبسط اليوم يدين
إيد المخوه وإيد الأطياب ذاتي
عمرك طويل ودعوتي اليوم , بعدين
كل يوم بدعي لك ليوم المماتي
يومي قبل يومك ويومك مع الزين
راحه بليا معمعه , واحسراتي
رديه
الشاعر عبدالله بن أحمد & الشاعر عبدالعزيز المعاوي


كيبورديه بتاريخ 28 / 6 / 2010 م
إسم الشاعرإسم الكاتبالبلدإسم القسمالمشاهدات
عبدالله بن أحمدعبدالله بن أحمدالسعودية☆ دواوين الأعضاء .. عامِّي942
لاتوجد تعليقات