تاريخ الاضافةتاريخ التعديل
الأحد، 2 يناير 2011 10:41:38 ص بواسطة المشرف العامالأحد، 2 يناير 2011 06:13:12 م
0 376
الحب بلـوى
يراكـب اللـي دق مفتـاح زره
السيف والنخله معالـم شعـاره
عبى وقوده والمحـرك يسـره
رجه الكابتن وأرتفع من مطاره
يوم أرتفع بالجو حدر المجـره
عبر الجهاز يذيع طقس الحراره
معه خطاب ٍ من صديق ٍ مبـره
عطه أبو وايل لايطيل أنتظـاره
ياحمود شوف العين مايفيد مره
ياعاد زرعك ماتقطف أزهـاره
خل المعاضب وأتركـه لاتمـره
وش يجمع البدوان لأهل العماره
ماكل من غاص البحر جاب دره
ولاتاجرا ً مضمون عنه الخساره
لو درت مدنه مع صحاصيح بره
لو تنشهد أهل الباديه والحضاره
ماحصـل العشـاق مثقـال ذره
ماحصلوا بالحب غير العـزاره
الحب بلـوى وأبتلانـا بشـره
وياليـت حطـو للمحبـه وزاره
أبي اشتكي وأخاصمه لايتشـره
ماعاد تقبل حجتـه وأعتـذاره
حلفت غير أخاصمه واستقـره
أبى اسجنه واحط فوقه خفـاره
حيثه سقط بالكبد والقلب حـره
بقصى الضماير موجس حر ناره
اللي ذبحني بالمبيسـم وغـره
وايضا ً سلاني ضحكته والقماره
ياليتني مرتاح والنفـس حـره
ولاتذوقنـا العنـا والـمـرارهٍ
إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي376
لاتوجد تعليقات