تاريخ الاضافةتاريخ التعديل
الأحد، 2 يناير 2011 10:43:12 ص بواسطة المشرف العامالأحد، 2 يناير 2011 06:18:58 م
0 437
ياحيف والله
ياحيـف والله يالزميـل أبـن دلـي
كان الكلام اللي وصل منك مسبـوت
جانا الخبر مع واحـد ٍ مرسـل ٍلـي
صديـق منكـم يمنـا كـان منعـوت
قلت آآه عسـى فيـه علـم ٍ يسلـي
يقول لي بع الغنـم وألبـس بشـوت
قلت الغنم بـه عيـب يالقـرم قلـي
عطني دليلا ً يابـن الجـواد مثبـوت
حيث الصحابـه مـع طرفهـا تفلـي
يمشون معها بدون كزمـه ولاكـوت
وشف سعرها بالسـوق فيهـا تغلـي
من أقصى الخليج ألى مشاريق بيروت
وقنيتهـا ماقصـد كـثـر ٍ وقـلـي
باغيها لياجو النشامـى لهـم قـوت
أمفطـحـات ٍ بالصيـانـي يتـلـي
والأزهري من فوقهـن دوم مكتـوت
كار النشامى يالخـوي عـادة ٍ لـي
نبغى الفخر قبل يجي مالـك المـوت
وبعض المجالس مابهـا فايـدة ٍ لـي
لعابـة ٍ فيهـا مـع الهنـد بيلـوت
لهـم خواطـر مكتـمـات ٍ تعـلـي
ياجيتهم تلقاهـم صمـوت وسكـوت
ماقـام لـو يسـمـع نداةالمصـلـي
وأذا سألته صد يمك . عقب صـوت
هـواي باللـي مركبـه جايـز لـي
ولاقيل بأن محركه يصـرف زيـوت
قيريـن فيـه ونطـرم التنـك فلـي
نمشي مع البيـداء مسانيـد وكتـوت
نركـب عليـه ليـا بغينـا نمـلـي
أحسن من سيرة واحد ٍ يخرب بيوت
وأم العـذارا ياعفـات أظحـك لـي
ومن قبلنا قال العواجي علـى نـوت
يامـا لقيـتـه بالغـتـارى تجـلـي
وكم ساعة ٍ قالت تفضـل ولاتفـوت
عيونهـا سـود ٍ هدبـهـن مضلـي
وثمانها بيـض ٍ تقـل حـب ياقـوت
قلت آآه قلـي ياريـش العيـن قلـي
أنا طريح مـن الهـوا ليـه وقـوت
قالـت لـو أن تجـي ديـرة حولـي
والصين مع باريس وديـار جابـوت
راع الهـوا مالـه طبيـب ٍ يـدلـي
طب الهوا رص الشفايف بلا صـوت
قلنـا صحيـح وعطنـي دواي يلـي
حبك سلاني والحشى صـار مبهـوت
يامـا أعقدلـي بالهـوا وأفتـل لـي
وفرقتهن فرق المعادن عـن التـوت
إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي437
لاتوجد تعليقات